კულტურული მემკვიდრეობის რომელი ძეგლების რეაბილიტაციას გეგმავს სააგენტო 2019 წელს

დღეს, 13 სექტემბერს, აჭარის განათლების, კულტურისა და სპორტის სამინისტროში სსიპ „აჭარის კულტურული მემკვიდრეობის დაცვის სააგენტოს“ 2019 წლის პრიორიტეტების საჯარო განხილვა გაიმართა.

სააგენტოს პროგრამა „კულტურული მემკვიდრეობის დაცვა, პოპულარიზაცია და განვითარება“ ითვალისწინებს აჭარაში დაცული კულტურული მემკვიდრეობის უძრავი ძეგლების რეაბილიტაცია-კონსერვაციას, მუზეუმ-ნაკრძალების ინფრასტრუქტურის მოწყობას, არქეოლოგიურ კვლევა-ძიებას აჭარაში და ძეგლების პოპულარიზაციას და მარკეტინგულ მხარდაჭერას.

პროგრამის ფარგლებში სააგენტოს მიერ განხორციელდება:

  • ხიხანის აბუსერისძეთა საგვარეულო ციხის რეაბილიტაცია;
  • ურბანული მემკვიდრეობის ძეგლების სარეაბილიტაციო სამუშაოების შესყიდვა;
  • ქ. ბათუმში, კომახიძის ქ. N3 მდებარე ურბანული მემკვიდრეობის ძეგლის სარეაბილიტაციო სამუშაოების შესყიდვა;
  • მოეწყობა პეტრას ციხისა და გონიო-აფსაროსის არქიტექტურულ-არქეოლოგიური კომპლექსის ინფრასტუქტურა;
  • მოეწყობა არქეოლოგიური ექსპედიციები და საინფორმაციო-მარკეტინგული ღონისძიებები;

პროგრამის ბიუჯეტი 2 მილიონ 293 ათასი ლარია

ნეტგაზეთის მასალების სხვა გამოცემებში გადაბეჭდვის წესი


ავტორი