სარფსა და ქუთაისის აეროპორტში არადეკლარირებული ოქროს ნაკეთობები ამოიღეს


ფინანსთა სამინისტროს შემოსავლების სამსახურის ინფორმაციით, 9 სექტემბერს საბაჟო გამშვები პუნქტებში: ,,სარფი“ და ,,ქუთაისის აეროპორტი“, არადეკლარირებული ოქროს საზღვარზე უკანონოდ შემოტანის სამი ფაქტი აღიკვეთა.

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოსა და აზერბაიჯანის მოქალაქეების, გ.პ-ს, მ.გ-სა და ვ.მ-ს კუთვნილი ხელბარგებისა და ფიზიკური დათვალიერების შედეგად, 18 000 ლარის ღირებულების, არადეკლარირებული ოქროს საიუველირო ნაკეთობები აღმოაჩინეს. ნაკეთობათა საერთო წონამ 236.54 გრამი შეადგინა.

საგადასახადო კოდექსის 289-ე მუხლის მე-10 ნაწილის თანახმად, კანონდამრღვევ მოქალაქეებს, სანქციის სახით,  ფულადი ჯარიმა, საერთო ჯამში, 18,008.5 ლარის ოდენობით შეეფარდათ.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან