საავტორო კინოს ბათუმის საერთაშორისო ფესტივალზე წელს 20-ზე მეტი ქართული ფილმი იქნება ნაჩვენები ფესტივალის სხვადასხვა სექციაში.
მხატვრული ფილმების საკონკურსო პროგრამაში მხოლოდ ერთი ქართული ფილმია – თინათინ ყაჯრიშვილის „ჰორიზონტი“. ფილმის პრემიერა წელს ბერლინის კინოფესტივალის სექცია „პანორამაში“ შედგა. ფილმი განქორწინებული ცოლ-ქმრის, ანასა და გიორგის ცხოვრების შესახებ მოგვითხრობს. „ჰორიზონტში“ მთავარ როლებს ია სუხიტაშვილი, გიორგი ბოჭორიშვილი, სოსო გოგიჩაიშვილი, ნანა დათუნაშვილი, ჯანო იზორია და ლიკა ოყროშიძე ასრულებენ.
„ქართული პანორამა“ – ამ არასაკონკურსო სექციაში წარმოდგენილი იქნება ბოლო 2 წლის განმავლობაში გადაღებული ქართული ფილმები.
[checklist]
-
„ანდრო“, თორნიკე გოგრიჭიანი, საქართველო, 2017, 25წთ.
-
„ბათუმის ერთი დღე“, საქართველო, 2018; 41 წთ.
-
„დევნილობის ცხრა წელიწადი“, თორნიკე კოპლატაძე, საქართველო, 2018, 23 წთ.
-
„მეთევზე“, თორნიკე ბზიავა, საქართველო, 2017, 17 წთ.
-
„დიდუბე, ბოლო გაჩერება“, შორენა თევზაძე, საქართველო/შვეიცარია, 2017, 64 წთ.
-
„ინსტიტუცია #16“, საქართველო, 2017; 64 წთ.
-
„მოუსმინე სიჩუმეს“, მარიამ ჭაჭია, საქართველო, 2016, 80 წთ.
-
„მტვრით მოწამლულები“, თამარ ბართაია, საქართველო, 2018, 52 წთ.
-
„რეზო“, ლეო გაბრიაძე, რუსეთი, 2017, 63 წთ.
-
„ჯარა“, ნიკა წიკლაური, საქართველო, 2017, 52 წთ.
-
„ჰამლეტი“, გიორგი მეგრელიშვილი, საქართველო, 2018, 110 წთ.
[/checklist]
წელს სექცია „ქართული კინოს კლასიკა“ ქართული კინოს 110 წლისთავს ეძღვნება. კინოფესტივალზე ნაჩვენები იქნება რამდენიმე ფილმის აღდგენილი ვერსია.
[checklist]
-
„ალავერდობა“, გიორგი შენგელაია, საქართველო, 1962, 52 წთ.
-
„ჩემი ბებია“, კოტე მიქაბერიძე, საქართველო, 1929, 29 წთ.
-
„ფიროსმანი“, გიორგი შენგელაია, საქართველო, 1969, 85 წთ.
-
„მარილი სვანეთს“, მიხეილ კალატოზიშვილი, საქართველო, 1930, 44 წთ.
[/checklist]
კინოფესტივალი ბათუმში 16-23 სექტემბერს გაიმართება და კინოჩვენებებზე დასწრება უფასოა.
კინოჩვენებები კინოთეატრ „აპოლოში“, სასტუმრო Wyndham-ის საკონფერენციო დარბაზსა და ღია ცის ქვეშ, ევროპის მოედანზე გაიმართება.
_______________________
მთავარ ფოტოზე: კადრი თინათინ ყაჯრიშვილის ფილმიდან „ჰორიზონტი“. ფოტო: imdb.com