ბათუმში პატარა დელფინს „ბათუ“ დაარქვეს


ბათუმის დელფინარიუმის ახალ ბინადარს, პატარა დელფინს, რომელიც დელფინარიუმშია დაბადებული, სახელი კონკურსის საფუძველზე შეურჩიეს. ფეისბუქზე გამოცხადებულ კონკურსზე არაერთი სახელი იქნა დასახელებული, თუმცა ყველაზე მეტად ფეისბუქმომხმარებლებს ეს სახელი მოეწონათ.

„ბათუს“ სახელი ბათუმობას, პირველ სექტემბერს, ქალაქის სახალხო დღესასწაულზე დაარქვეს. „ბათუ” დელფინ „ციცის” შვილია.

დელფინარიუმის ცნობით, ბუნებრივ პირობებთან მიახლოვებულ საარსებო გარემოში დელფინის დაბადება არც თუ ისე ხშირია. ბათუმის დელფინარიუმში მსგავსი შემთხვევაა უკვე მეექვსედ დაფიქსირდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com