დღეს, პირველ სექტემბერს, ბათუმობას, საპატიო ბათუმელისა და საპატიო მოქალაქის წოდებით სხვადასხვა სფეროში გამორჩეული ოთხი პირი დააჯილდოვეს.
საპატიო ბათუმელის წოდება მიენიჭა ალექსანდრა (დოდო) ჯვარშეიშვილს, რომელიც აჭარის დამსახურებული პედაგოგი, ბათუმის ხელოვნების სასწავლო უნივერსიტეტის პროფესორ-კონსულტანტი, ღირსების ორდენის კავალერია.
საპატიო ბათუმელის წოდება მიენიჭა მხატვარ ჯიმსონ გურგენიძეს და პოეტ შოთა ზოიძეს, რომელიც საქართველოს სახელმწიფო პრემიის ლაურეატი და ღირსების ორდენის კავალერია.
საპატიო მოქალაქის წოდება მიენიჭა საქართველოს მეცნიერებათა ეროვნული აკადემიის აკადემიკოსს, პროფესორს, ტექნიკისა და სამხედრო მეცნიერებათა დოქტორს, ვახტანგ გორგასლისა და ღირსების ორდენის კავალერ ელგუჯა მეძმარიაშვილს, რომელიც პირველი ქართული კოსმოსური ობიექტის გენერალური კონსტრუქტორია.