ხანძარია ბათუმში, გორგილაძისა და თაყაიშვილის ქუჩების კვეთაში. სახანძრო სამსახურის ინფორმაციით, ცეცხლი მრავალბინიანი კორპუსის ბოლო სართულზე მდებარე ბინას გაუჩნდა.
ადგილზე მეხანძრეები მუშაობენ. წინასწარი ინფორმაციით, ხანძრის შედეგად დაშავებულები არ არიან.
______________
განახლება: ხანძარი მეხანძრეებმა უკვე ჩააქრეს. საგანგებო სიტუაციების მართვის სამსახურის ინფორმაციით, კორპუსის მე-6 სართულზე დაიწვა 70 კვ.მ სასხვენო გადახურვა და კორპუსის სხვენზე დაშენებული ოთახი – 40 კვ.მ.
______________
მთავარი ფოტო: კადრი აჭარის ტელევიზიის გადაცემა „ჰეშთეგის“ პირდაპირი ჩართვიდან