28 აგვისტოს საბაჟო გამშვებ პუნქტში – ,,სარფი“ შემოსავლების სამსახურის მებაჟე ოფიცრებმა, ეჭვის საფუძველზე, საქართველოს მოქალაქის დ.შ.-ს ფიზიკური დათვალიერებისას, არადეკლარირებული ოქროს ნაკეთობები აღმოაჩინეს. ნაკეთობათა საერთო წონამ 71.1 გრამი, საქონლის საბაჟო ღირებულებამ კი 6513 46 ლარი შეადგინა.
საქართველოს საგადასახადო კოდექსის 289 მუხლის მე-10 ნაწილის შესაბამისად, კანონდამრღვევ მოქალაქეს, სანქციის სახით, შეეფარდა ფულადი ჯარიმა 6513 46 ლარის ოდენობით.