მთავარი,სიახლეები

ბათუმში კაცი დაჭრეს – სავარაუდო დამნაშავე დადგენილია

26.08.2018 • 2325
ბათუმში კაცი დაჭრეს – სავარაუდო დამნაშავე დადგენილია

25 აგვისტოს, საღამოს, ბათუმში კაცი დაჭრეს. ბათუმის სასწრაფო სამედიცინო სამსახურის ბრიგადამ ის კლინიკა „მედცენტრში“ გადაიყვანა. სამსახურის ინფორმაციით, ახალგაზრდა კაცს წელის არეში ჰქონდა ცეცხლსასროლი იარაღით მიყენებული ჭრილობა. ამ დროისთვის დაჭრილი, რომელსაც ოპერაცია ჩაუტარდა, კლინიკის რეანიმაციულ განყოფილებაშია მოთავსებული.

ინციდენტი მელიქიშვილის ქუჩაზე, სავარაუდოდ, შელაპარაკებას მოჰყვა. „ბათუმელების“ ინფორმაციით, ახალგაზრდა კაცი მისი ოჯახის ერთ-ერთმა ახლობელმა დაჭრა.

შინაგან საქმეთა სამინისტროს პრესსამსახურში „ბათუმელებს“ უთხრეს, რომ დადგენილია სავარაუდო დამნაშავე და გრძელდება  სამძებრო სამუშაოები. გამოძიება განზრახ მკვლელობის მცდელობის მუხლით მიმდინარეობს.

გადაბეჭდვის წესი


ასევე: