მსოფლიოს 10 საუკეთესო პლაჟი 2018 წელს

ზაფხული დასვენებისთვის საუკეთესო პერიოდია ზღვაზე თუ მთაში დროის გასატარებლად. გთავაზობთ TripAdvisor – ის მიხედვით შერჩეულ 2018 წლის top 10 საუკეთესო პლაჟს მსოფლიოში.

 წყნარი ოკეანის კუნძულები: გრეის ბეი, პროვიდენსიალე, თერქსი და ქაიქოსი

კუნძულ პროვიდენსიალისთან მდებარე გრეის-ბეისა და თერქს-ქაიქოსის კუნძულებზე  2018 წლის ერთ-ერთი ყველაზე საუკეთესო პლაჟებია ტურისტების შეფასების მსოფლიო რეიტინგის მიხედვით.

პლაჟები ბარიერული რიფებითაა დაცული, რაც ამცირებს ატლანტის ოკეანის შემოტევას უამინდობისას. ამ ადგილებში ოკეანე განსაკუთრებულად კამკამაა, ქვიშა კი ქათქათა თეთრი. ეს პლაჟები საუკეთესო ადგილებადაა მიჩნეული საწყლოსნო სპორტისთვისაც.

ბრაზილია, ბაია დო სანჩო, ფერნანდო დე ნორონა

პლაჟი ფერნანდო დე ნორონას კუნძულზეა, ბრაზილიის სანაპიროებიდან 220 მილის დაშორებით. წყლის ხარისხი და სისუფთავე აქ იდეალურია და სანაპიროებს იუნესკო იცავს, რადგან აქ განადგურების პირას მყოფი მარჯნის რიფებია.

კუბა, ვარადეროს პლაჟი

კუბაზე მდებარე კურორტ მატანსასის პლაჟი ვარადერო, ბუნებრივი ღირსშესანისნაობებითაა გამორჩეული: განსაკუთრებულად რბილი ქვიშა და პირველყოფილი, ტროპიკული ტყე აქ უამრავ ტურისტს იზიდავს.

კუნძული არუბა, არწივის სანაპირო, ორანესტადი

არწივის სანაპირო ვენესუელას ჩრდილოეთით, კუნძულ არუბაზე, ორანესტადის რაიონში მდებარეობს. ცნობილია თეთრი, ურბილესი ქვიშითა და ზღვის კუებით.

კაიმანის კუნძულები, შვიდმილიანი პლაჟი

კაიმანის კუნძულები გაერთიანებული სამეფოს შემადგენლობაში შედის და ვესტ – ინდოეთში, კარიბის ზღვაში მდებარეობს. მიუხედავად იმისა, რომ ამ პლაჟის სიგრძე მხოლოდ 6,3  მილია, ის მაინც ტურისტებისთვის ერთ-ერთ ყველაზე სასურველ დასასვენებელ ადგილადაა მიჩნეული.

ესპანეთი, სან-სებასტიანი, ლა კონჩას სანაპირო

ლა კონჩას სანაპირო ესპანეთში ევროპის ერთ-ერთ საუკეთესო პლაჟად მიიჩნევა. ოქროსქვიშიან სანაპიროზე პოპულარულია ასევე კაიაკებითა და ნავებით სეირნობა.

აშშ. ფლორიდა, სუფთა წყლის სანაპირო

სუფთა წყლის სანაპიროს ხშირად მოიხსენიებენ, როგორც აშშ – ს ყველაზე პოპულარულ პლაჟს. ეს საუკეთესო ადგილია წყლის თხილამურებით სრიალისა და დელფინების სათვალთვალოდ. სანაპიროზე უამრავი ბარი და რესტორანია.

იამაიკა, ნეგრილი

იამაიკის ამ სანაპიროზე კოქტეილებით და წიგნებით შეიარაღებულ დამსვენებლებს შეხვდებით, პლაჟი პატარაა, მაგრამ ძალიან კომფორტული და პოპულარული.

დომინიკის რესპუბლიკა, ბავაროს პლაჟი

ბავაროს პლაჟები ოქროს ქვიშით, გრძელი სასეირნო სანაპირო ზოლითა და ლაჟვარდისფერი, სუფთა წყლითაა განთქმული. სანაპიროზე არაერთი გოლფ – კლუბი და სავაჭრო ცენტრია.

მექსიკა, პლეია-ნორტე

პლეია ნორტე პალმებით მოფენილი ქვიშიანი პლაჟია, სადაც უამრავ ველოსიპედისტს შეხვდებით. კურორტზე პოპულარულია წყალქვეშა დაივინგი. სანაპიროზევე იყიდება ადგილობრივი, მზა ზღვის პროდუქტები. პლეიე ნორტე მყუდრო სანაპიროა.

 

წყარო: independent

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან