ბათუმის აკვატორიაში გამოჩნდა გარემოს მდგომარეობის გაუმჯობესების ინდიკატორი – Monstrilla sp-ი  

ბათუმი-მწვანე კონცხის აკვატორიაში გარემოს მდგომარეობის გაუმჯობესების ინდიკატორ -Monstrilla sp-ი გამოჩნდა

ბათუმი-მწვანე კონცხის აკვატორიაში Monstrilla sp-ი გამოჩნდა – გარემოს ეროვნული სააგენტო

გარემოს ეროვნული სააგენტოს ცნობით, 2017-2018 წლებში საქართველოს შავი ზღვის აკვატორიაში პირველად გამოჩნდა მონსტრილას გვარის კიბოსნაირი (Monstrilla sp.), რომელიც გარემოს მდგომარეობის გაუმჯობესების ინდიკატორ სახეობად მიიჩნევა.

სააგენტოს ცნობით, აღნიშნული ჯგუფი შავ ზღვაში პირველად მე-20 საუკუნის 30-იან წლებში სევასტოპოლისა და კარკინიცკის ყურეში აღწერეს, 80-იანი წლებიდან კი საკმაოდ იშვიათი გახდა შავი ზღვის სანაპიროზე.

„მონსტრილას გვარის კოპეპოდები ზღვის ნახევრადპარაზიტული ფორმებია. პლანქტონში მხოლოდ სქესმწიფე ინდივიდები გვხვდება, ხოლო მათი ლარვები პარაზიტობენ მრავალჯაგრიანი ჭიების სისხლის მიმოქცევის სისტემაში,“ – აღნიშნულია სააგენტოს მიერ გავრცელებულ ინფორმაციაში.

____________

ფოტო: არჩილ გუჩმანიძე

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ელფოსტა: kvachadze.n@gmail.com