მინისტრების ერთობლივი ბრძანებით, რომელიც 2018 წლის 7 აგვისტოს ამოქმედდა, მანდატურის მოსამზადებელი კურსების ჩატარებას ორგანიზებას გაუწევს სსიპ „საგანმანათლებლო დაწესებულების მანდატურის სამსახური“.
მოსამზადებელი კურსების ფარგლებში სწავლების მეთოდიკასა და საათობრივ დატვირთვას კი, განსაზღვრავს მოსამზადებელი კურსების განმახორციელებელი, მანდატურის სამსახურთან შეთანხმებით.
მოსამზადებელი კურსი შედგება შემდეგი კომპონენტებისგან:
[checklist]
- ფიზიკური მომზადება;
- ზოგადი განათლების სისტემა, საჯარო სკოლის სტრუქტურული ერთეულები და მათი კომპეტენციები;
- საგანმანათლებლო დაწესებულების მანდატურის სამსახურის ფუნქციები, მიზნები, ამოცანები, სტრუქტურა და სტრუქტურული ერთეულების უფლებამოსილებები;
- მანდატურის როლი სკოლაში საზოგადოებრივი წესრიგისა და უსაფრთხოების დაცვის საკითხებში, მანდატურის გარანტიები, უფლება-მოვალეობები და მათი განხორციელების წესი;
- ადამიანისა და მოსწავლეთა უფლებები, მოსწავლეთა ქცევის წესები და დისციპლინა სკოლაში;
- დანაშაული და ადმინისტრაციული სამართალდარღვევები, არასრულწლოვანთა მართლმსაჯულების სპეციფიკა;
- მანდატურის მიერ სამართალდარღვევაზე რეაგირების წესი, ადმინისტრაციულ და სამართალდამცავ ორგანოებთან ურთიერთობა;
- ოჯახში ძალადობა და ბავშვთა დაცვის მიმართვიანობის (რეფერირების) პროცედურები;
- ბულინგი; სამოქალაქო თავდაცვა;
- საგზაო მოძრაობის უსაფრთხოება;
- ჯანსაღი ცხოვრების წესი; პირველადი სამედიცინო დახმარება;
- ბავშვთა და მოზარდთა ასაკობრივი განვითარების კანონზომიერებები;
- ანტისოციალური ქცევა მოზარდებში;
- კონფლიქტური სიტუაციები სკოლაში და მათი მართვა;
- სპეციალური საგანმანათლებლო საჭიროების მქონე მოსწავლეებთან ურთიერთობის სპეციფიკა;
- ეფექტური კომუნიკაცია.
[/checklist]
