მთავრობამ საფრთხის შემცველი, მძიმე და მავნე სამუშაოების ჩამონათვალი დაამტკიცა

საქართველოს მთავრობამ მომეტებული საფრთხის შემცველი, მძიმე, მავნე და საშიშპირობებიანი სამუშაოების ჩამონათვალი დაამტკიცდა. შესაბამისი დადგენილება ძალაში 2018 წლის პირველი აგვისტოდან შევიდა.

ასეთი სამუშაოების ჩამონათვალის განსაზღვრას საქართველოს მთავრობას „შრომის უსაფრთხოების შესახებ“ კანონი ავალდებულებდა. ეს კანონი კი, ზოგიერთი მუხლის გამოკლებით, ძალაში 2018 წლის 7 ივლისს შევიდა.

შრომის უსაფრთხოების შესახებ კანონი არეგულირებს სახელმწიფო ორგანოების, დამსაქმებელთა, დასაქმებულთა, დასაქმებულთა წარმომადგენლებისა და სამუშაო სივრცეში მყოფ სხვა პირთა უფლებებს, ვალდებულებებს და პასუხისმგებლობას, რომლებიც დაკავშირებულია უსაფრთხო და ჯანსაღი სამუშაო გარემოს შექმნასთან.

კანონის მუხლი, რომლითაც დამსაქმებელი ვალდებულია საკუთარი ხარჯებით მუშაობის პერიოდში დასაქმებული უზრუნველყოს უბედური შემთხვევის დაზღვევით, 2019 წლის პირველი იანვრიდან ამოქმედდება. 2019 წლიდან ამოქმედდება ასევე კანონის ის მუხლი, რომელიც შრომის უსაფრთხოების ორგანიზებას და მართვას შეეხება.

მომეტებული საფრთხის შემცველი, მძიმე, მავნე და საშიშპირობებიანი სამუშაოების ჩამონათვალი შეგიძლიათ იხილოთ ბმულზე.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com