პირველი ივნისიდან პირველ აგვისტომდე პერიოდში საქართველოში 39 ადამიანი დაიხრჩო ზღვაში, ტბებსა და მდინარეებში – ინფორმაციას ამის შესახებ საგანგებო სიტუაციების მართვის სამსახური აქვეყნებს.
მათგან ყველაზე მეტი – 20 ადამიანი მდინარეში დაიხრჩო, 11- ტბაში, რვა ადამიანი კი – ზღვაში.
საგანგებო სიტუაციების მართვის სამსახურის ინფორმაციით, ამავე პერიოდში, პირველი ივნისიდან პირველ აგვისტომდე, მაშველებმა 192 ადამიანი გადაარჩინეს, მათგან 145 – ზღვაში დახრჩობას.