ბათუმში 10 აგვისტოს ხელოვნების ფესტივალი იწყება

10 აგვისტოს ბათუმში ხელოვნების ფესტივალი ARGANI დაიწყება, რომელიც სამ დღეს გაგრძელდება. ბათუმის ცენტრალურ პარკში მოეწყობა მხატვრებისა და დიზაინერების ნამუშევრების გამოფენები.

„ფესტივალი უმასპინძლებს ხელნაკეთი ნივთების ოსტატებს, იოგას ინსტრუქტორებს, მომღერლებს, მუსიკოსებს, ფოტოგრაფებს, მოქალაქეებსა და ჩვენი ქალაქის სტუმრებს.

ფესტივალზე ნახავთ ქართველი ოსტატების საუკეთესო ნამუშევრების გამოფენას, მასტერკლასებს, შოუპროგრამებს, რომლებიც  საოცარ ხელოვნებისა და სილამაზის ატმოსფეროში გადაგიყვანთ,“-ამბობენ ფესტივალის ორგანიზატორები.

ფესტივალზე დაგეგმილია არტობიექტებისა და გრაფიტის შექმნა.  ბავშვთა ზონა დატვირთული იქნება სპორტული და არტაქტიურობებით.

მოეწყობა  ქართული და უცხოური ფილმების კინოჩვენება ღია ცის ქვეშ.  ფესტივალზე წარმოდგენილი იქნება Fire Show-ი, მუსიკალური ჯგუფების – DJ -სეტები და Session-ი.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com