კონკურსი აჭარაში მცხოვრები სტუდენტებისათვის დაფინანსების მოსაპოვებლად

აჭარის აგანათლების, კულტურისა და სპორტის სამინისტრო საბაკალავრო და სამაგისტრო საგანმანათლებლო პროგრამებზე ჩარიცხული სტუდენტების დაფინანსებისთვის კონკურსს აცხადებს.

კონკურსში მონაწილეობის მიღება შეუძლიათ სტუდენტებს, რომლებიც:

  • 2015, 2016 და 2017 წელს ჩაირიცხნენ უმაღლეს საგანმანათლებლო დაწესებულებებში აკრედიტებულ საბაკალავრო და სამაგისტრო პროგრამებზე;
  • ბოლო ექვსი წლის განმავლობაში სწავლობდნენ და ატესტატი მიიღეს აჭარის ავტონომიურ რესპუბლიკაში;
  • ბოლო  სემესტრის საშუალო აკადემიური მოსწრება ტოლია ან მეტი 71 % -სა.

დაფინანსება გაიცემა შემდეგი კატეგორიის სტუდენტებზე:

  • სტუდენტები მაღალმთიანი აჭარიდან – (ქედა, შუახევი, ხულო, ასევე “მაღალმთიან დასახლებათა ნუსხის დამტკიცების შესახებ” საქართველოს მთავრობის 2015 წლის 30 დეკემბრის N671 დადგენილებით განსაზღვრული ქობულეთისა და ხელვაჩაურის მუნიციპალიტეტების სოფლები);
  • დედით ან მამით ობოლი, უდედმამო;
  • მრავალშვილიანი ოჯახის წევრი: ოთხი და მეტი შვილი;
  • სოციალურად დაუცველი: 100 000 ქულა და ნაკლები.

კონკურსში მონაწილეობის მსურველებმა განცხადებები და პროგრამით გათვალისწინებული დოკუმენტები უნდა წარადგინონ  სამინისტროში 2018  წლის პირველი აგვისტოდან 24 აგვისტოს ჩათვლით.

კონკურსი იმართება სამინისტროს „განათლების ხელმისაწვდომობის გაზრდის“ პროგრამის ფარგლებში.

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.