ავტომანქანის გაქურდვის ბრალდებით ბათუმში 19 წლის ბიჭი დააკავეს

შს სამინისტროს ინფორმაციით, აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ქურდობის მცდელობის ბრალდებით, 1999 წელს დაბადებული, წარსულში მრავალჯერ ნასამართლევი ი.ბ. ბათუმში დააკავეს. შსს-ს ცნობით, ბრალის დამტკიცების შემთხვევაში მას 3 წლამდე ვადით თავისუფლების აღკვეთა ემუქრება.

გამოძიებამ დაადგინა, რომ დაკავებული მიმდინარე წლის 29 ივლისს ბათუმში, ნინოშვილის ქუჩაზე, BMW-ს მარკის ავტომანქანის გაქურდვას ცდილობდა, რა დროსაც შემოვლაზე მყოფმა სამართალდამცველებმა დააკავეს.

გამოძიება ქურდობის მცდელობის ფაქტზე, საქართველოს სსკ-ს 19-177-ე მუხლის 1-ლი ნაწილით მიმდინარეობს. დანაშაული 3 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.