ქედის სახელოვნებო სკოლის ბავშვთა ფოლკლორული ანსამბლი ,,ჩანგი“ გასტროლით ბულგარეთში იმყოფება

აჭარის განათლების, კულტურისა და სპორტის სამინისტროს ორგანიზებით გამართულ აჭარის რეგიონში სიმღერისა და ცეკვის ბავშვთა ფოლკლორული ანსამბლების ოლიმპიადაზე წელს დაბა ქედის სახელოვნებო სკოლის ფოლკლორული ანსამბლი ,,ჩანგი” გრანპრის მფლობელი გახდა (ხელმძღვანელი ნაზი სურმანიძე). ანსამბლი დაჯილდოვდა ასევე ოქროს მედლით, ხალხური საკრავით, ფულადი თანხითა და გასტროლით საზღვარგარეთ.

29 ივლისს ანსამბლ ,,ჩანგის“ წევრები და ხელმძღვანელები ბულგარეთში, ქალაქ ნესებურში გაემგზავრნენ გასტროლით, სადაც 10 დღის განმავლობაში ადგილობრივებისთვის კონცერტებს გამართავენ.

ნეტგაზეთის მასალების სხვა გამოცემებში გადაბეჭდვის წესი


ავტორი