მთავარი,მთიანი აჭარა,რეკლამა,სიახლეები

თორნიკე რიჟვაძე ქობულეთში მიმდინარე პროექტებს გაეცნო

27.07.2018 • 2723
თორნიკე რიჟვაძე ქობულეთში მიმდინარე პროექტებს გაეცნო

თორნიკე რიჟვაძე ქობულეთში ტურისტული სეზონის მიმდინარეობას გაეცნო

აჭარის მთავრობის თავმჯდომარემ თორნიკე რიჟვაძემ რეგიონის მუნიციპალიტეტებში მიმდინარე მნიშვნელოვანი პროექტების გაცნობა ქობულეთიდან დაიწყო. ქობულეთში აქტიური ტურისტული სეზონია და მთავრობის თავმჯდომარემ სეზონის მიმდინარეობის შესახებ ინფორმაცია უშუალოდ ქალაქის მერისგან და მუნიციპალიტეტის წარმომადგენლებისგან მოისმინა. თორნიკე რიჟვაძე ქობულეთის სანაპიროზე მყოფ დამსვენებლებსაც გაესაუბრა და მათი შეფასებები მოისმინა. აჭარის მთავრობის თავმჯდომარე ადგილზე გაეცნო ასევე ნაპირსამაგრი სამუშაოების მდგომარეობას, რომლის 650 მეტრიანი მონაკვეთი უკვე დასრულებულია.

თორნიკე რიჟვაძე ქობულეთის სანაპიროზე მყოფ დამსვენებლებსაც გაესაუბრა

თორნიკე რიჟვაძე ქობულეთის სანაპიროზე მყოფ დამსვენებლებსაც გაესაუბრა

„აღნიშნულ პროექტზე უკვე დიდი ხანია მიმდინარეობს მუშაობა. იყო საკითხები, რომლებიც საჭიროებდა მყისიერ გადაწყვეტას და სახელმწიფო სამშენებლო კომპანიის ჩართულობით მოესწრო თითქმის ნახევარზე მეტი სამუშაოს დასრულება. ტურისტების გამოკითხვის შედეგადაც უკვე ვლინდება, რომ სერიოზული პროგრესი გვაქვს. რა თქმა უნდა, ეს სამუშაოები გაგრძელდება და უახლოეს პერიოდში მთლიანად მოწესრიგდება სანაპირო ზოლი და ინფრასტრუქტურა, რომელიც ქობულეთს და ქობულეთის ტურისტებს ესაჭიროება მომავალში. ჩვენ არ მოვადუნებთ ყურადღებას და ძალიან ხშირად გავაკეთებთ მონიტორინგს ადგილზე, რადგან გვქონდეს ნათელი წარმოდგენა, თუ როგორი გრაფიკით მიმდინარეობს სამუშაოები, რათა მაქსიმალური კომფორტი შევუქმნათ როგორც ქობულეთის მაცხოვრებლებს, ისე ჩვენს სტუმრებს“ -აღნიშნა თორნიკე რიჟვაძემ.

ქობულეთში სანაპირო ზოლის კეთილმოწყობა მრავალწლიანი პროექტია. ნაპირდამცავი კედლის პროექტს ქობულეთში მსოფლიო ბანკის ფინანსური მხარდაჭერით მუნიციპალური განვითარების ფონდი ახორციელებს. პროექტის ფარგლებში ჯამში 2 კმ-მდე ახალი ჯებირის აშენება და სავალი ნაწილის კეთილმოწყობაა გათვალისწინებული. სამუშაოების განსახორციელებლად 8 მილიონამდე ლარი დაიხარჯება.

ნაპირსამაგრი სამუშაოების ის ნაწილი, რომელიც ზაფხულამდე ვერ მოესწრო, ტურისტული სეზონის დასრულებისთანავე გაგრძელდება.

დაბა ოჩხამურის სოციალურ სახლში 8 ოჯახს ბინები გადაეცა

დაბა ოჩხამურში სტიქიის შედეგად დაზარალებული 8 ოჯახისთვის ახალი საცხოვრებელი სახლი აშენდა. ახლად აშენებული სოციალური სახლი მთავრობის თავმჯდომარემ აჭარის ჯანდაცვის მინისტრ ზაალ მიქელაძესთან, ქობულეთის მერ მირიან ქათამაძესთან და მუნიციპალიტეტის სხვა წარმომადგენლებთან ერთად დაათვალიერა. თორნიკე რიჟვაძე დაზარალებულ ოჯახებს შეხვდა და მათ ახალი საცხოვრებელი მიულოცა.

სტიქიის შედეგად დაზარალებული 8 ოჯახისთვის ახალი საცხოვრებელი სახლი აშენდა

სტიქიის შედეგად დაზარალებული 8 ოჯახისთვის ახალი საცხოვრებელი სახლი აშენდა

,,დაბა ოჩხამურში აშენდა ახალი სოციალური სახლი. აღნიშნული, ქობულეთის მერიის მხარდაჭერით აშენდა და მადლობა მინდა ვუთხრა მერიის ხელმძღვანელობას.  მოხარული ვარ, რომ 8 ოჯახს  ახალი საცხოვრებელი ფართები გადაეცემა. დღეს ჩვენ გვაქვს მიმდინარე ინფრასტრუქტურული პროექტების მონიტორინგი და მოსახლეობასთან შეხვედრები. მოვუწოდებ ხელისუფლების წარმომადგენლებს ხშირი კომუნიკაცია იქონიონ მოსახლეობასთან, რათა იცოდნენ რა აწუხებთ  მათ და რა პრობლემები აქვთ“ – განაცხადა თორნიკე რიჟვაძემ.

პროექტის განსახორციელებლად 265 ათასამდე ლარი დაიხარჯა.

პროექტის განსახორციელებლად 265 ათასამდე ლარი დაიხარჯა.

საერთო საცხოვრებელი სიძველის გამო ამორტიზებული იყო, რომლის მდგომარეობაც გასული წლის აპრილის თვეში ქარიშხლის შედეგად დამძიმდა.

ღონისძიებას ასევე ესწრებოდნენ საქართველოს პარლამენტის წევრი კობა ნაკაიძე და ქობულეთის მაჟორიტარი დეპუტატი აჭარის უმაღლეს საბჭოში  გიორგი რომანაძე.

წყავროკა-სატეხიის გზის რეაბილილტაცია

დღესვე, აჭარის მთავრობის თავმჯდომარე თორნიკე რიჟვაძე ქობულეთის მუნიციპალიტეტში ინფრასტრუქტურული პროექტების გაცნობის ფარგლებში, მუნიციპალიტეტის ხელმძღვანელ პირებთან ერთად  წყავროკა-სატეხიის საავტომობილო გზის მონაკვეთზე ასფალტო-ბეტონის საფარის მოწყობის სამუშაოებს გაეცნო.

ასფალტის საფარი 2 კილომეტრიან მონაკვეთზე დაიგო

ასფალტის საფარი 2 კილომეტრიან მონაკვეთზე დაიგო

ასფალტის საფარი 2 კილომეტრიან მონაკვეთზე დაიგო. პროექტის ფარგლებში,  მოწყობილია  რკინა ბეტონის კიუვეტები და საყრდენი კედლები. 4 ადგილზე მოეწყო 122 გრძ.მეტრი გაბიონი, არსებულ ხიდს ჩაუტარდა რეაბილიტაცია. ჯამში, აღნიშნულ ტერიტორიაზე ასფალტო-ბეტონის საფარი   9 574 კვადრატულ მეტრზე მოეწყობა.სამუშაოების სახელშეკრულებო ღირებულება 490 998  ლარს შეადგენს.

აჭარის ა/რ საავტომობილო გზებისა და სამელიორაციო სისტემების მართვის დეპარტამენტის 2018 წლის ბიუჯეტით, ქობულეთის მუნიციპალიტეტში, სულ 29,790 კმ ასფალტობეტონის საფარის და 8700 კუბური მეტრი ბეტონის მოწყობაა გათვალისწინებული. დაგეგმილია 8 ახალი ხიდის მშენებლობა და 2 არსებულ ხიდის რეაბილიტაცია, ასევე 76 ერთეული ხელოვნური ნაგებობის მშენებლობა-მოწყობა.

სულ, ქობულეთის მუნიციპალიტეტში 2018 წელს საგზაო ინფრასტრუქტურურული პროექტებისათვის  18 224 785 მილიონი ლარია გამოყოფილი.

 

 

გადაბეჭდვის წესი


ასევე: