ადგილობრივი თვითმმართველობის კოდექსის 86 პრიმა მუხლის საფუძველზე, ქედის მერიაში შექმნილმა სათათბირო ორგანომ – სამოქალაქო მრჩეველთა საბჭომ დღეს განახლებული შემადგენლობით პირველი სხდომა გამართა.
სხდომა ქედის მუნიციპალიტეტის მერმა ლევან გორგილაძემ გახსნა და დასძინა: ,,იმედი მაქვს განახლებული სათათბირო ორგანო იქნება უფრო მოქნილი, ეფექტური და საქმეზე ორიენტირებული” .
კანონმდებლობის შესაბამისად საბჭოში გაწევრიანებულნი არიან მეწარმე იურიდიული პირები, არასამთავრობო ორგანიზაციებისა და მუნიციპალიტეტის მოსახლეობის წარმომადგენლები. ასევე დაცულია გენდერული ბალანსი.
სხდომაზე დღის წესრიგით გათვალისწინებული შემდეგი საკითხები განიხილეს:
[checklist]
- წევრების წარდგენა; თავმჯდომარის, თავმჯდომარის მოადგილის და მდივნის არჩევა.
- მოქალაქეთა პეტიცია – დაბა ქედაში, რუსთაველის ქუჩაზე მდებარე ცენტრალური პარკისთვის ფრიდონ ხალვაშის სახელობის მინიჭება (მომხსენებელი ქედის საკრებულოს აპარატის უფროსი მუხრან სალაძე).
- ორგანიზაცია „თავისუფალ ჟურნალისტთა სახლი“ -ს მიერ წარმოდგენილი ინიციატივა – ქედის მუნიციპალიტეტის ცენტრში არსებულ კედელზე, თემატური ესკიზის მოხატვა – ქართული პროდუქტის ევროპის ბაზარზე იმპორტის შესახებ.
- ემპარდი 2-ის ფარგლებში, ქედის მუნიციპალიტეტში ჩატარებული კვლევის შედეგები (მომხსენებელი ქედა ლაგის კოორდინატორი ჯაბა ლორთქიფანიძე).
[/checklist]
კანონის თანახმად, მუნიციპალიტეტის მერი ვალდებულიამის მიერ დამტკიცებულ სამოქალაქო მრჩეველთა საბჭოს განსახილველად წარუდგინოს მუნიციპალიტეტის ბიუჯეტის პროექტი, სივრცითი დაგეგმარების დოკუმენტები, გეოგრაფიული ობიექტების სახელდების შესახებ წინადადებები, სხვა მნიშვნელოვანი ადმინისტრაციულ-სამართლებრივი აქტების პროექტები, ინფრასტრუქტურული და სოციალური პროექტები და ა.შ.
მრჩეველთა საბჭო დებულების თანახმად 3 თვეში ერთხელ მაინც იკრიბება. მოდევნო სხდომა კი მერიაში სექტემბრის თვეში ჩაინიშნა.