ბენდი „ერთად“ მახუნცეთში – პერფომანსი და მასტერკლასი [ანონსი]

ქედის მუნიციპალიტეტის სოფელ მახუნცეთში 
2018 წლის 29 ივლისს, 17:00 საათზე
მულტიკულტურული ბენდი „ერთად“
პერფომანსს და მასტერკლასს ჩაატარებს

 

პერფომანსი/მასტერკლასი ჩატარდება ქედის მუნიციპალიტეტის, სოფელ მახუნცეთის ცენტრში, სადაც სკოლის მოსწავლეებსა და სოფლის მოსახლეობას ექნება შესაძლებლობა მიიღონ ინფორმაცია აჭარაში მცხოვრები ეროვნული და ეთნიკური უმცირესობების ტრადიციებისა და კულტურული თავისებურების შესახებ.

შეხვედრის ბოლოს ბენდი „ერთად“ შეასრულებს ეთნო-კულტურულ კომპოზიციებს;

შეხვედრის მიზანია, პროექტის ფარგლებში შექმნილი მუსიკალური პროდუქტის პოპულარიზაცია რეგიონის მასშტაბით, რათა ვაჩვენოთ აუდიტორიას, რამდენად მცირეა განსხვავება სხვადასხვა ეროვნების ადამიანებს შორის.

აქტივობა ხორციელდება პროექტის „მულტიკულტურული ინტეგრაცია აჭარაში“ ფარგლებში, რომელსაც ახორციელებს „თავისუფალ ჟურნალისტთა სახლი“, ფონდი „ღია საზოგადოება-საქართველოს“ მხარდაჭერით.

 

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.