გასართობი ღონისძიებები ბულვარის კოლონადებთან [ანონსი]

„ბათუმის ბულვარის“ ინფორმაციით, 20 ივლისს, ბათუმის ბულვარის კოლონადებთან, მსოფლიოს 43-ე საჭადრაკო ოლიმპიადის თემატიკაზე სპეციალური სივრცე მოეწყობა. ბულვარის მიერ გაწერილი პროგრამის ფარგლებში, მთელი დღის მანძილზე იგეგმება სხვადასხვა აქტივობები, მათ შორის ქორეოგრაფიული, მუსიკალური შოუები და გასართობი თამაშები. სტუმრებს საშუალება ექნებათ მონაწილეობა მიიღონ ფოტოსესიებსა და ქვიზ-შოუში. გაიმართება ერთდროული თამაშები დიდოსტატთან. ღონისძიება 18 საათზე დაიწყება.

ჭადრაკის საერთაშორისო დღესთან დაკავშირებით დაგეგმილ ამ ღონისძიებას 43-ე მსოფლიო საჭადრაკო ოლიმპიადის საორგანიზაციო კომიტეტი და ფიდე-ს რეგიონული წარმომადგენლობაც შეურთდება.

„ოლიმპიადის კუთხესთან, ყველა მსურველს ექნება საშუალება ითამაშოს ჭადრაკი, გაეცნოს ოლიმპიადის შესახებ სხვადასხვა ფორმატის ინფორმაციას და გაესაუბროს საორგანიზაციო კომიტეტის წარმომადგენლებს. დაგეგმილ აქტივობებში ჩაერთვებიან აჭარის სპორტისა და მოჭადრაკეთა სხვადასხვა თაობის წარმოადგენლები“ – აცხადებენ „ბათუმის ბულვარში“.

მიმდინარე წელს ბათუმში, 23 სექტემბრიდან 6 ოქტომბრის ჩათვლით 43-ე საჭადრაკო ოლიმპიადა გაიმართება და მასში მსოფლიოს 189 ქვეყნის 4000-ზე მეტი მონაწილე იასპარეზებს.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com