მთავარი,სიახლეები

სად იქნება შესაძლებელი ბუნგალოს მოწყობა კვარიათისა და გონიოს პლაჟებზე

12.07.2018 • 4127
სად იქნება შესაძლებელი ბუნგალოს მოწყობა კვარიათისა და გონიოს პლაჟებზე

ბათუმის მერიამ კვარიათისა და გონიოს პლაჟები 41 სექტორად დაყო, რომელთაგან ზოგ სექტორში დასაშვები იქნება ბუნგალოსა თუ სხვა დროებითი ნაგებობის განთავსება, ზოგ სექტორში კი – არა. ამ სექტორებს მერია მომავალში შესაბამისი პირობებით იჯარით გასცემს.

„ბათუმელებმა“ ქალაქის მერიიდან გამოითხოვა რუკები, რომლებზეც ეს სექტორებია დატანილი. ყოველი სექტორის სიგრძე განსაზღვრულია 100 მეტრით ზღვის ნაპირის გასწვრივ. ამასთან, ზოგ სექტორში დასაშვებია დროებითი კონსტრუქციის [ბუნგალო, კაფე-ბარი] განთავსდება, ზოგ სექტორში მხოლოდ შეზლონგების, ზოგან კი ორთავეს ერთად.

ბათუმის მერიაში გვითხრეს, რომ აღნიშნული რუკები საბოლოოა, თუმცა ისინი ჯერ კიდევ სამუშაო დოკუმენტებია.

დროებითი ნაგებობებისა და განთავსების ადგილები კვარიათისა და გონიოს პლაჟებზე:

კვარიათის პლაჟი

კვარიათის პლაჟი

გონიოს პლაჟი

გონიოს პლაჟი

კვარიათისა და გონიოს პლაჟებზე ბუნგალოებისა და კაფე-ბარების განთავსება კანონით აკრძალულია, თუმცა გასულ წლებში მათ განთავსებაზე ნებართვები მაინც გაიცემოდა. პლაჟებზე დღეს მოქმედი ასეთი ობიექტი ყველა უნებართვოა.

ბათუმის მერიამ მიმდინარე სეზონის გახსნამდე პრობლემის მოგვარება ვერ მოახერხა – პლაჟის ნაკვეთებზე აუქციონები არ გამოუცხადებია, ამ ნაკვეთებზე ბუნგალოებისა და კაფე-ბარების განთავსების დასაშვებობის საკითხი კი, ამ დრომდე განხილვის საგანია.

ბათუმის საკრებულოს შესაბამის დადგენილებაში უნდა შევიდეს ცვლილება და გონიო-კვარიათის პლაჟზე დასაშვები უნდა გახდეს ბუნგალოებისა და სხვა დროებითი ნაგებობების განთავსება.

რატომ არ მოაგვარა მერიამ ეს საკითხი სეზონის გახსნამდე? – ამ კითხვაზე მერიის ოფიციალური პასუხი ასეთია: „აუქციონის გამოცხადება დამოკიდებულია დადგენილებაში შესატან ცვლილებასთან დაკავშირებით მიმდინარე ადმინისტრაციული წარმოების დასრულებაზე. მუშაობა რამდენიმე თვეა დაწყებულია და ეს პროცესი ყველა პროცედურის დაცვით მიმდინარეობდა. მეტს ამ საკითხზე ვერაფერს გეტყვით“.

ამ თემაზე დეტალურად იხილეთ ბმული:

გახსენი უნებართვოდ ბუნგალო და იმუშავე გადასახადის გარეშე – გონიო-კვარიათის პლაჟი

 

 

 

 

 

გადაბეჭდვის წესი


ასევე: