ბათუმში გუშინ, 9 ივლისს, შავშეთის ქუჩაზე დაჭრილი ახალგაზრდა კაცი, რომელიც გუშინვე გადაიყვანეს ბათუმის „მედცენტრში“, კლინიკიდან დღეს გაწერეს.
„პაციენტს ზურგის არეში, ხერხემალთან ჰქონდა ღრმა ჭრილობა. დასჭირდა მცირე ოპერაციული ჩარევა,“- გვითხრეს „მედცენტრში“.
შსს პრესსამსახურის ინფორმაციით, ფაქტზე გამოძიება სსკ-ის 118-ე მუხლით მიმდინარეობს, თუმცა ამ დროისთვის არავინ არ არის დაკავებული.