მთავარი,სიახლეები

„უჭირს ბიძინას თუ რატომ ვეხმარებით?“ – 40 ათასი საბაგიროს დემოტაჟისთვის და 6400 ლარი ჯართისგან

28.06.2018 • 2196
„უჭირს ბიძინას თუ რატომ ვეხმარებით?“ – 40 ათასი საბაგიროს დემოტაჟისთვის და 6400 ლარი ჯართისგან

დღეს, 28 ივნისს, ბათუმის საკრებულომ მიიღო გადაწყვეტილება, რომ ბათუმის ბოტანიკურ ბაღში ძველი საბაგირო გზის დემონტაჟის შედეგად მიღებული მეორადი მასალა, დაახლოებით 16 ტონა შავი ლითონის ჯართი, რომლის საწყისი ღირებულებაც 6 400 ლარია, ელექტრონული აუქციონის წესით გაყიდოს.

თუმცა, მანამდე, ბათუმის ბოტანიკურ ბაღს ტენდერი ჰქონდა გამოცხადებული საბაგირო გზის ლითონისა და ბეტონის კონსტრუქციების დემონტაჟზე, რომელიც არ შედგა. სატენდერო თანხა 40 ათასი ლარი იყო. ტენდერში მონაწილეობა არავინ მიიღო.

„ბოტანიკური ბაღის“ დირქტორის, ირაკლი არჩაიას განცხადებით, ტენდერი არ შედგა, დემონტაჟისთვის გაცემულ ნებართვას კი ვადა 30 ივნისს გასდის: „ჩვენ მივმართეთ ბათუმის მერიას რომ გვიშუამდგომლოს შესაბამის უწყებასთან, რათა მოგვცენ ხელახალი ნებართვა დემონტაჟისთვის. ამის შემდეგ ისევ გამოვაცხადებთ ტენდერს.“

ირაკლი არჩაიას თქმით, ტენდერი შემოდგომაზე გამოცხადდება, ვინაიდან „ახლა აქტიური ტურისტული სეზონია და გზების ჩაკეტვა რომ არ მოხდეს. ამასთან, დემონტაჟის დროს მისაღები იქნება უსაფრთხოების ზომები“.

მწვანე კონცხზე ახალ საბაგირო გზას ყოფილი პრემიერის, ბიძინა ივანიშვილის კომპანია ააშენებს.

„თქვენ რომ წარმოადგინეთ ეგ საკითხი მაშინ ითქვა, რომ ამას ექნებოდა კომერციული დატვირთვა და დახარჯულ თანხას ამოვიღებთო, მაგრამ დავხარჯეთ 48 ათასი ლარი და ვიღებთ 6 400 ლარს და ვეხმარებით ბატონ ბიძინას?

აუტიზმის პროგრამა გვაქვს გაჩერებული, ბავშვებს ვერ ვეხმარებით და მაგ ფულით, 41 600 ლარით 23 ბავშვს შეიძლება მიეღო წლის ბოლომდე სამედიცინო მომსახურება და რატომ ვყრით ამ ფულს.

უჭირს ბიძინა ივანიშვილს, თუ რატომ ვეხმარებით? არ ვიცი ამას რა ქვია“ – განაცხადა სხდომაზე „ნაციონალური მოძრაობის“ წევრებმა საკრებულოში ლევან ანთაძემ.

ამ თემაზე:

მწვანე კონცხის პლაჟს, ბიძინა ივანიშვილთან დაკავშირებული კომპანია ითხოვს

გადაბეჭდვის წესი


ასევე: