ბათუმის მუნიციპალიტეტის 2018 წლის ბიუჯეტში ცვლილებები შედის

ბათუმის მუნიციპალიტეტის საკრებულოში დღეს გამართულ საფინანსო და ეკონომიკური განვითარების კომისიის სხდომაზე კომისიის წევრებმა ბათუმის მუნიციპალიტეტის 2018 წლის ბიუჯეტში შესატან ცვლილებებზე იმსჯელეს.

როგორც მერიის საფინასო-საბიუჯეტო სამსახურის უფროსმა არჩილ ვანაძემ კომისიის სხდომაზე განაცხადა, დადგენილების პროექტით ხორციელდება ქალაქ ბათუმის მუნიციპალიტეტის 2018 წლის ბიუჯეტის შემოსულობების და ნაშთის ცვლილება, ასევე, გადასახდელების ცვლილება ცალკეული პროგრამების/ქვეპროგრამების მიხედვით.

ქ. ბათუმის მერიის საფინანსო-საბიუჯეტო სამსახურის უფროსი - არჩილ ვანაძე

ქ. ბათუმის მერიის საფინანსო-საბიუჯეტო სამსახურის უფროსი – არჩილ ვანაძე

კერძოდ, ბიუჯეტის შემოსულობებში და გადასახდელებში ასახული იქნება საქართველოს სახელმწიფო ბიუჯეტიდან გამოყოფილი ტრანსფერის თანხა. ასევე, საკუთარი შემოსავლების, ელექტრონული ტენდერების და ინფრასტრუქტურული სამუშაოების დასრულების შედეგად დაფიქსირებული ეკონომიების ხარჯზე გათვალისწინებული იქნება ახალი ქვეპროგრამებისა და ღონისძიებების დაფინანსება. მათ შორის:

  • განხორციელდება შპს „ბათუმის წყალის“ კაპიტალის ზრდა,  ქალაქის რეაბილიტირებულ უბნებში ეზოების ქსელის კანალიზაციის სისტემის ახალ ქსელზე დაერთების სამუშაოების შეუფერხებლად გაგრძელების მიზნით;
  • ახალის სასწავლო წლისათვის მომზადების მიზნით, განხორციელდება საბავშვო ბაღების მიმდინარე სარემონტო სამუშაოები და აღსაზრდელებისათვის სათამაშოების შეძენა;
  • უნიციპალური მომსახურების გაუმჯობესების მიზნით, დაიწყება ქ. ბათუმის მუნიციპალიტეტის ადმინისტრაციულ ერთეულებში სერვის-ცენტრების ახალი ოფისების მშენებლობა – საწყის ეტაპზე ორი ახალი სერვის-ცენტრის შენობის მშენებლობა;

ბათუმის საკრებულოს საფინანსო და ეკონომიკური განვითარების კომისიის თავმჯდომარე - ზურაბ ნაკაიძე

ბათუმის საკრებულოს საფინანსო და ეკონომიკური განვითარების კომისიის თავმჯდომარე – ზურაბ ნაკაიძე

კომისიის სხდომაზე წარმოდგენილი დადგენილების პროექტის მიხედვით,  ქალაქ ბათუმის მუნიციპალიტეტის 2018 წლის ბიუჯეტის შემოსულობები 1,420.6 ათასი ლარით იზრდება. მათ შორის:

  • სპეციალური ტრანსფერით – 520.6 ათასი ლარით, საქართველოს სახელმწიფო ბიუჯეტიდან გამოყოფილი თანხა „ბათუმში კომუნალური ინფრასტრუქტურის დაწესებულებათა რეაბილიტაციის“ პროექტის ფარგლებში შესყიდული საქონლისა და მომსახურების დღგ-ის 50% გადახდის მიზნით;
  • სხვა შემოსავლებით – 900 ათასი ლარით, რომლის მობილიზება მუნიციპალიტეტის წილობრივი მონაწილეობით მოქმედი საწარმოებიდან დივიდენდის სახით არის დაგეგმილი.
  • Item 3

ბათუმის საკრებულოს საფინანსო და ეკონომიკური განვითარების კომისიის სხდომა

ბათუმის საკრებულოს საფინანსო და ეკონომიკური განვითარების კომისიის სხდომა

დადგენილების პროექტის მიხედვით, ქალაქ ბათუმის მუნიციპალიტეტის 2018 წლის ბიუჯეტის გადასახდელები  1,471.9 ათასი ლარით იზრდება.

მიმდინარე წლის ბიუჯეტში დადგენილების პროექტით წარმოდგენილ ცვლილებებს ბათუმის საკრებულო ხვალ, 28 ივნისის  მორიგ სხდომაზე განიხილავს.

ნეტგაზეთის მასალების სხვა გამოცემებში გადაბეჭდვის წესი


ავტორი