დღეს, 27 ივნისს, 19:00 საათზე, ბათუმის საზაფხულო თეატრში ოქსფორდის უნივერსიტეტის უძველესი „Jesus colleage“-ს გუნდი, ბათუმის რევაზ ლაღიძის სახელობის სამუსიკო სკოლის გუნდთან ერთად, ევროპული მუსიკის უკვდავი კლასიკოსების ნაწარმოებებს შეასრულებს.
აჭარის განათლებისა და კულტურის სამინისტროს ინფორმაციით, გუნდის საქართველოში ვიზიტს ოქსფორდის უნივერსიტეტი აფინანსებს.
ისინი ერთი დღით დარჩებიან ბათუმში და კულტურული მემკვიდრეობის ძეგლებს და სხვა ტურისტულ ობიექტებს მოინახულებენ.
„ოქსფორდის უნივერსიტეტთან ჩვენ გვაქვს საკმაოდ დიდი ხნის თანამშრომლობა, მათი მკვლევარები აქტიურად მონაწილეობენ ფიჭვნარის არქეოლოგიურ გათხრებში და აქედან გამომდინარე, მათთან გვაქვს კულტურული კავშირები,“-ამბობენ სამინისტროში.
გუნდის წევრები ხვალ, 28 ივლისს, გაემგზავრებიან ბათუმიდან.
