მთავარი,სიახლეები

ერთი ბოთლი კონიაკის ქურდობის ამბავი, რაც 4-დან 7 წლამდე პატიმრობას ითვალისწინებს

27.06.2018 • 2052
ერთი ბოთლი კონიაკის ქურდობის ამბავი, რაც 4-დან 7 წლამდე პატიმრობას ითვალისწინებს

დავით ა.-ს და სვეტლანა ვ.-ს ჯგუფურ ქურდობას ედავება გამოძიება. წინასასამართლო სხდომა მოსამართლე ვიოლეტა ფორჩხიძემ დღეს, 27 ივნისს, ჩაატარა.

გამოძიების ვერსიით, ბრალდებულებმა ხულოს ქუჩაზე მდებარე ალკოჰოლური სასმელების მაღაზიიდან პირველი აპრილის ღამეს ერთი ბოთლი კონიაკი მოიპარეს.

იმავე ღამით გორგილაძის ქუჩაზე მდებარე აფთიაქიდან ბრალდებულებმა სახის კრემი და ჰიგიენური ნივთები მოიპარეს.

პროკურორ ზურაბ კონცელიძის თქმით, კონიაკი დაახლოებით 40 ლარი ღირდა, სახის კრემი – 60 ლარი. ქურდობის ფაქტები ვიდეოსათვალთვალო კამერებმა დააფიქსირეს.

“რა თქმა უნდა, თავს დამნაშავედ ვცნობთ,” – მიმართა მოსამართლეს ბრალდებულმა სვეტლანა ვ.-მ.

თავს დამნაშავედ მიიჩნევს მეორე ბრალდებულიც. ისინი მეგობრები არიან.

ამ საქმეზე არავინ დაიკითხება, რადგან დაცვის მხარემ უდავოდ მიიჩნია პროკურატურის მიერ წარმოდგენილი ყველა მტკიცებულება.

ბრალდებულებს სავარაუდოდ საპროცესო შეთანხმება გაუფორმდებათ. მოლაპარაკების პროცესი პროკურატურასთან უკვე დაწყებულია.

ჯგუფური ქურდობა 4-დან 7 წლამდე პატიმრობას ითვალისწინებს.

ორივე ბრალდებულმა სასამართლოს სხდომათა დარბაზი უკომენტაროდ დატოვა. ისინი გირაოს საფუძველზე არიან გათავისუფლებული.

 

 

გადაბეჭდვის წესი


ასევე: