მარანი, ნაეკლესიარი და ჯამე – სამი ახალი ძეგლი აჭარაში

საქართველოს კულტურული მემკვიდრეობის სააგენტომ აჭარაში სამ ობიექტს ძეგლის სტატუსი მიანიჭა. მათ შორისაა: ხელვაჩაურის მუნიციპალიტეტის სოფელ ჩიქუნეთში მდებარე ილიას მარანი, როგორც მემორიალური ძეგლი, მარანი შუა საუკუნეებითაა დათარიღებული.

ხულოს მუნიციპალიტეტის სოფელ თხილვანაში არსებული ნაეკლესიარი, როგორც არქეოლოგიური ძეგლი, რომელიც ასევე შუა საუკუნეებით თარიღდება.

და ამავე მუნიციპალიტეტის სოფელ ღორჯომში 1903 წელს აშენებული ჯამე, როგორც არქიტექტურული თვალსაზრისით ღირებული შენობა.

საერთო ჯამში, მთელი საქართველოს მასშტაბით, 11 ობიექტის გაძეგლებაზე ეროვნული სააგენტოს გენერალური დირექტორის მოვალეობის შემსრულებელმა, დავით ლომატაშვილმა, ბრძანებას  2018 წლის 21 ივნისს მოაწერა ხელი.

ნეტგაზეთის მასალების სხვა გამოცემებში გადაბეჭდვის წესი


ავტორი