მინერალური წყალი „ლიკანი“ განახლებული შეფუთვით უკვე თაროებზეა

კომპანია “IDS ბორჯომი საქართველოს” მიერ წარმოებული ნატურალური მინერალური წყლის ბრენდი „ლიკანი“, რომელიც წლების მანძილზე ბაზრის უპირობო ლიდერია,   ახალი და განსხვავებული შეფუთვით გამოჩნდა მომხმარებლის წინაშე.    

თუ, ძველი ეტიკეტი წყლის ადგილმდებარეობას გვიჩვენებდა, ახალი ვერსია სრულიად განახლებულ ხედვას გვთავაზობს. ლიკანში რომანოვების ცნობილი სასახლე ტალღამ ჩაანაცვლა.   აღსანიშნავია, რომ „ლიკანის“ ახალ ეტიკეტზე სამმა ძალიან საინტერესო პროფესიონალმა იმუშავა: არტ დირექტორი-გიორგი პოპიაშვილი, ტიპოგრაფიის ავტორი- აკაკი რაზმაძე  და გრაფიკული დიზაინი-ნათია ზედელაშვილი.

„ჩვენი მიზანი არ იყო უბრალოდ უფრო კარგი ეტიკეტის შექმნა „ლიკანისთვის“, ჩვენ გვინდოდა, გვეთქვა ახალი სიტყვა ახალი დიზაინით და ჩანაფიქრით, რომელიც კარგად გამოხატავდა ბრენდის სათქმელს. ვფიქრობთ, განახლებული შეფუთვა პასუხობს ბრენდის იდეებს, არის დინამიური და ახალგაზრდული. მთავარი სიმბოლო ტალღა – წყალს, მთებს და მუსიკალურ რიტმს აერთიანებს. არღვევს სტანდარტული ეტიკეტის ფორმას და მინიმალისტური გზით თანამედროვე სურათს ქმნის. ეს ერთიანობა, საკმაოდ ენერგიულ ვიზუალს ბადებს, რაც „ლიკანის“ უნიკალური მინერალების ფუნქციონალურ ნაწილსაც უსვამს  ხაზს. ვიმედოვნებთ, რომ ახალი შეფუთვა მოეწონება „ლიკანის“ მომხმარებელს და ექნება ისეთივე დადებითი გამოხმაურება საზოგადოებაში, როგორც თავდაპირველად „ლიკანის“ გამოსვლით დავიმსახურეთ. „ლიკანთან“ ერთად „სიცოცხლე ჩქეფს“ “-აცხადებს „ლიკანის“ ბრენდ მენეჯერი ტატა ქათამაძე.

მინერალური წყალილიკანიცოცხალი მინერალებით გაჯერებული უნიკალური წყალია, რომელიც ზომიერად შეიცავს მინერალურიონურ კომპლექს. მისი განსაკუთრებული მახასიათებელია ჰიდროკარბონატების, მაგნიუმის და კალციუმის განსაკუთრებული თანაფარდობა. ბუნებრივი გაზით უხვად გაჯერებულ მინერალურ წყალსლიკანიგანუმეორებლად მსუბუქი გემო აქვს. სწორედ ამ მინერალთა თანხვედრა განაპირობებს წყლის უნიკალურობას, წლების მანძილზე მინერალური წყლების კატეგორიაში  წამყვანი ბრენდის სტატუსის შენარჩუნებას და გამორჩეულად ერთგულ მომხმარებელს.  ლიკანიიდეალურია მათთვის, ვისაც წყურვილის მოკვლა, გაგრილება და მთელი დღის მანძილზე ენერგიის და კარგი განწყობის შენარჩუნება სურს.

მინერალური წყალი ბაზარზე 2007 წლიდან არსებობს და დღემდე შემდეგი შეფუთვით არის წარმოდგენილი: 0.6 ; 1 ;  და 1.5ლ  PET;  „ლიკანის“  ჩამოსხმა ბორჯომის N1 ჩამომსხმელ ქარხანაში ხორციელდება.  

ნეტგაზეთის მასალების სხვა გამოცემებში გადაბეჭდვის წესი


ავტორი