მთავარი,სიახლეები

რა დავალებები მისცა პრემიერმა ზურაბ პატარაძეს

25.06.2018 • 4263
რა დავალებები მისცა პრემიერმა ზურაბ პატარაძეს

„არსებობს გარკვეული საკითხები, რომლებიც უმოკლეს ვადაში მოითხოვს გამოსწორებას. ამის შესახებ დავალებები გაცემულია და ოპერატიულად გადაწყდება,“ – უთხრა დღეს ჟურნალისტებს საქართველოს პრემიერ-მინისტრმა მამუკა ბახტაძემ ბათუმში.

პრემიერს არ დაუკონკრეტებია, რა დავალება მისცა მან ზურაბ პატარაძეს. მამუკა ბახტაძემ აჭარის ტურისტულ პოტენციალზე ისაუბრა და თქვა, რომ „დავალებები ეხება იმ საკითხებს, რომლებიც უმოკლეს ვადაში გადაჭრას საჭიროებს, მათ შორის ინფრასტრუქტურის ნაწილში“.

რა დავალებები გასცა პრემიერმა ბათუმში? – „ბათუმელებმა“ ინფორმაციის მიღება აჭარის მთავრობაში სცადა. მთავრობის პრესსამსახურში გვითხრეს, რომ პრემიერმა ბათუმის ბულვარში ველობილიკის, ასევე უსახური შენობების ფასადების რეაბილიტაციის საკითხი დააყენა. პრესსამსახურში ვერ დაგვიკონკრეტეს, რომელი შენობა მიიჩნია ახალმა პრემიერმა „უსახურად“.

მთავარი ფოტო: პრემიერი და აჭარის მთავრობის თავმჯდომარე ბათუმში / მანანა ქველიაშვილის ფოტო

გადაბეჭდვის წესი


ასევე: