პირველად ბათუმის საზღვაო აკადემიის ისტორიაში გემი კადეტი საერთაშორისო ნაოსნობაში წავიდა

25 ივნისს ბათუმში მეზღვაურთა საერთაშორისო დღე აღნიშნეს. ბათუმში არსებული საზღვაო სასწავლებლების სტუდენტებმა ქალაქის ერთ-ერთი მთავარ – მემედ აბაშიძის გამზირზე მსვლელობა გამართეს. ოფიციალური ცერემონია ბათუმის მეათე ნავმისადგომზე გაიმართა.  მეზღვაურებს პროფესიული დღე პრემიერ-მინისტრმა მიულოცა. საპატიო ჯილდოები გადასცეს იმ კაპიტნებს, რომლებმაც თავიანთი ცხოვრება ზღვას მიუძღვნეს. განსაკუთრებული გამძლეობისთვის მამა ილია კარტოზიას სახელობის ჯილდო ლიბიის ციხიდან გათავისუფლებულ მეზღვაურს სოსლან კაკაბაძეს გადაეცა.

ოფიციალური ცერემონიალის დასრულების შემდეგ, პირველად  ბათუმის სახელმწიფო საზღვაო აკადემიის ისტორიაში,  გემი „კადეტი“ საერთაშორისო ნაოსნობაში წავიდა.

გემს ათობით ადამიანი აცილებდა ნაპირიდან. სანაპირო დაცვის კატარღებმა – თამარა I და თამარა II კი გემი “კადეტი” წყლის  ჭავლში გაატარეს.

გემი, რომელზეც ბათუმის საზღვაო აკადემიის მესამე კურსის სტუდენტები საზღვაო პრაქტიკას გადიან, ოდესის პორტში შევა და ბათუმში 20 დღეში დაბრუნდება.

ბათუმის საზღვაო აკადემიის გემი "კადეტი" პირველ ნაოსნობაში წავიდა

25 ივნისს პირველად ბათუმის სახელმწიფო საზღვაო აკადემიის ისტორიაში გემი „კადეტი“ საერთაშორისო ნაოსნობაში წავიდა.

Posted by ბათუმელები • Batumelebi.ge on ორშაბათი, 25 ივნისი, 2018

ნეტგაზეთის მასალების სხვა გამოცემებში გადაბეჭდვის წესი


ავტორი