წინასწარი ინფორმაციით, ბათუმში 4 წლამდე გოგო ცემით მოკლეს

ბათუმში 4 წლამდე ასაკის ბავშვი ცემით მოკლეს. ამის შესახებ „ბათუმელებს“ სხვადასხვა ინფორმირებულმა პირებმა დაუდასტურეს. შს სამინისტროს ინფორმაციით, ბავშვი ოჯახთან დაახლოებულმა პირმა მოკლა.

სასწრაფო დახმარების სამსახურის ინფორმაციით, გარდაცვლილის ცხედარი პოლიციის მე-7 განყოფილებასთან თავად ბრალდებულმა დატოვა.

გამოძიება სსკ-ის 109-ე მუხლით მიმდინარეობს, რაც განზრახ მკვლელობას გულისხმობს.

ოფიციალური ინფორმაციით, ბრალდებული დაკავებულია.

„ბათუმელების“ ინფორმაციით, არც მკვლელობაში ბრალდებული და არც მოკლული ბავშვი საქართველოს მოქალაქეები არ არიან.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com