25 აგვისტოს ჯგუფი ДДТ ქობულეთში კონცერტს გამართავს

25 აგვისტოს ქობულეთის ზღვისპირა ფიჭვნარში, ღია ცის ქვეშ, კონცერტს რუსული როკჯგუფი ДДТ-ი გამართავს. ДДТ-ი წელს Kobuleti Ozone Fest-ზე საპატიო სტუმრის სტატუსითაა მოწვეული.

ქართული ჯგუფებიდან ფესტივალზე Soft Eject-ი, Green Room-ი, მარტივი გამოსავალი (გამოუვალი მდგომარეობა), Nemra,  Asea Sool, Sevda დაVako T დაუკრავს.

ჯგუფი  ДДТ-ი 1980 წელს დაარსდა ქალაქ უფაში.  გამოშვებული აქვთ 21 სტუდიური და 5 საკონცერტო ალბომი. ჯგუფის უცვლელ ლიდერს, ვოკალისტს და სიმღერების ავტორს იური შევჩუკს ექვსი სოლოალბომი აქვს ჩაწერილი.

შევჩუკი მკაცრად და პირდაპირ აკრიტიკებს კრემლის აგრესიულ პოლიტიკას და არაერთ გამოსვლაში აღუნიშნავს, რომ პოლიტიკა, რომელსაც კრემლი ატარებს საქართველოსა და უკრაინაში, მისი პირადი ტრაგედიაა.

ДДТ-ი საქართველოში Tbilisi Open Air ფესტივალზეც იყო ჩამოსული 2012 წელს.

Kobuleti Ozone Fest-ი წელს პირველად იმართება. პროექტის პარტნიორები და მხარდამჭერები არიან: აჭარის განათლებისა და კულტურის სამინისტრო, აჭარის ტურიზმის დეპარტამენტი, ქობულეთის მერია, ქობულეთის საკრებულო და Castello Mare Hotel&Wellness Resort-ი.

 


 

ბილეთების შეძენა biletebi.ge-ზეა შესაძლებელი და ასევე, ბათუმში: მემედ აბაშიძის #52 (ბიბლუს გალერი); 26 მაისის #25. ქობულეთში: აღმაშენებლის #264.

 

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან