ქედაში მერის წარმომადგენლებს ხელფასი 100 ლარით, სპეციალისტებს კი 160 ლარით გაეზარდათ

ქედის მუნიციპალიტეტის ადმინისტრაციულ ერთეულებში მერის წარმომადგენლებს ხელფასი 100 ლარით გაეზარდათ, ხოლო სპეციალისტებს –  160 ლარით. 2018 წლის პირველი ივნისიდან მერის წარმომადგენლები ხელფასის სახით  900 ლარს მიიღებენ, ადმინისტრაციულ ერთეულებში დასაქმებული სპეციალისტები კი – 660 ლარს.

შესაბამისი გადაწყვეტილება ქედის მუნიციპალიტეტის საკრებულომ 8 ივნისს გამართულ რიგგარეშე სხდომაზე მიიღო.

როგორც ქედის საკრებულოს აპარატის ხელმძღვანელი განმარტავს, ხელფასები „საჯარო დაწესებულებაში შრომის ანაზღაურების შესახებ” კანონის შესაბამისად გაიზარდა.

ქედის მუნიციპალიტეტში სულ 10 ადმინისტრაციული ერთეული, შესაბამისად  მერის 10 წარმომადგენელია. რაც შეეხება სპეციალისტებს, მათი რაოდენობა 22-ია.

დღეისათვის ქედის მერიაში  მერის წარმომადგენლის ერთი და  სპეციალისტის ორი ვაკანსიაა.

 

ნეტგაზეთის მასალების სხვა გამოცემებში გადაბეჭდვის წესი


ავტორი