მთავარი,სიახლეები

აბრები ქართულად ქემალფაშასა და ხოფაში სავაჭრო ობიექტებზე

11.06.2018 • 33260
აბრები ქართულად ქემალფაშასა და ხოფაში სავაჭრო ობიექტებზე

ყოველდღიურად  საქართველოს ათეულობით მოქალაქე კვეთს სარფში თურქეთ-საქართველოს საზღვარს და სავაჭროდ ან სამუშაოდ ქემალფაშაში გადადის. ქემალფაშა სარფიდან ზუსტად 5 წუთის სავალ გზაზეა. ეს არის დაბის ტიპის პატარა დასახლება, რომლის ყველა ქუჩაზე სავაჭრო მაღაზიაა გახსნილი. აქ შეგხვდებათ როგორც წვრილმანი საყოფაცხოვრებო ნივთების, ისე ბრენდული მაღაზიები.

მიუხედავად იმისა, რომ თურქეთში ლირის გარდა სხვა ვალუტით ვაჭრობა ნებადართული არ არის, ქემალფაშა გამონაკლისია. აქ ძირითადი სავაჭრო ვალუტა ქართული ლარია. თუ ლირა გაქვთ, ნივთის ღირებულებას მაინც ლარში ანგარიშობენ ლირის მიმდინარე კურსით.

ქემალფაშა. წარწერა ერთ-ერთი მაღაზიის წინ

აბსოლუტურად ყველა მაღაზიაში მუშაობს ქართველი გამყიდველი, რომელიც კლიენტს ქართულ ენაზე ემსახურება.

 

როდესაც მაღაზიის მეპატრონეები პერსონალის შერჩევას იწყებენ, მთავარ მოთხოვნად თურქული და ქართული ენის ცოდნა აქვთ მითითებული

ქემალფაშაში ბაზრობა ყოველდღე იმართება, თუმცა განსაკუთრებით ბევრი ხალხი შაბათობითაა. ყოველ შაბათს დაბაში საქართველოს სხვადასხვა კუთხიდან ჩადიან მოვაჭრეები და ტანსაცმელს ყიდულობენ, საქართველოში გასაყიდად.

“100 ათასი ლარიც შეიძლება ივაჭროს ერთ დღეს აქ მოვაჭრემ. ქემალფაშაში საქონლის ყიდვა უფრო იაფი უჯდებათ, ტრანსპორტირებაც ადვილია და ხარისხიც გარანტირებულია,” – ამბობს იამზე, რომელიც ერთ-ერთ მაღაზიაში მუშაობს.

ქემალფაშაში მოვაჭრეები საქართველოს სხვადასხვა კუთხიდან ჩადიან და ტანსაცმელს ბითუმად ყიდულობენ

მაღაზიათა უმრავლესობას აქვს ორენოვანი წარწერა – ქართულად და თურქულად

შეგხვდებათ ასეთი თარგმანიც

ან მხატვრული კალიგრაფიით შესრულებული სარეკლამო აბრა

საბავშვო ტანსაცმლის მაღაზიის  მეპატრონე ისმეთი ამბობს, რომ მისი მთავარი მომხმარებელი ქართულენოვანია, ამიტომ მნიშვნელოვანია მაღაზიას ქართული აბრა ჰქონდეს. სარეკლამო აბრებს ქემალფაშას მაღაზიის მეპატრონეები ქალაქ ხოფაში ან ართვინში ამზადებენ. ხოფაში სარეკლამო სააგენტოს, რომელიც ქართულენოვან აბრებს ამზადებს, ქართულის მცოდნე თარჯიმანი ჰყავს.

მაღაზიის აბრა ქალაქ ხოფაში

 

გადაბეჭდვის წესი


ასევე: