ქობულეთიდან გუშინ გაუჩინარებული მოზარდი იპოვეს – ის თბილისში აქციაზე იყო გაპარული

გუშინ ქობულეთიდან გაუჩინარებული 14 წლის ბიჭი, დღეს თბილისში იპოვეს. ამის შესახებ სოციალურ ქსელში მოზარდის იგივე ნაცნობი წერს, რომელმაც ბავშვის გაუჩინარების შესახებ გაავრცელა ინფორმაცია.

აღმოჩნდა, რომ მოზარდი ოჯახისგან დაუკითხავად თბილისში წასულა აქციაზე. ის ოჯახის წევრებმა მაშინ შენიშნეს ტელევიზორში, როდესაც თბილისში რუსთაველის ქუჩაზე მიმდინარე აქციას ადევნებდნენ თვალს, -წერს სოციალურ ქსელში იგივე წყარო.

ოჯახი გუშინ მთელი დღის განმავლობაში ეძებდა მოზარდს, შემდეგ კი პოლიციას მიმართეს.

ინფორმაციას 14 წლის მოზარდის პოვნის შესახებ შს სამინისტროშიც ადასტურებენ.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com