ტენდერი ადაპტირებული ლიფტისა და სპორტული დარბაზის მშენებელობაზე

ბათუმის მე-26 საჯარო სკოლა, ადაპტირებული ლიფტისა და სპორტული დარბაზის მოწყობაზე ტენდერს აცხადებს. შესყიდვის სავარაუდო ღირებულება 190 518 ათასი ლარია.

სატენდერო პირობების მიხედვით, სკოლაში გარედან უნდა დამონტაჟდეს ადაპტირებული ლიფტი ეტლის მოსარგებლე ბავშვებისთვის, ასევე უნდა მოეწყოს თანამედროვე, ტექნიკურად აღჭურვილი სპორტული დრაბაზი.

დარბაზი აღჭურვილი უნდა იყოს სახანძრო სიგნალიზაციით და გათბობით.

სკოლის დირექტორის თამარ გოგიშვილის თქმით, სკოლა სპორტდარბაზისთვის ადაპტირებული ინვენტარის შეძენასაც აპირებს, თუმცა ჯერ-ჯერობით შესაბამისი ინვენტარი ვერ იპოვა.

„ვეძებე ინტერნეტ მაღაზიებშიც, მაგრამ ჯერ ვერ ვნახეთ ისეთი, რაც გვინდა. იმედია მოგვიანებით შევძლებთ მოძიებას და ყიდვას“-გვეუბნება თამარ გოგიშვილი.

სატენდერო წინადადებების მიღება 17 ივნისს დაიწყება და დასრულდება 22 ივნისს.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com