წელს აჭარაში 21 ხიდის მშენებლობა-რეაბილიტაციაა დაგეგმილი

აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტი 2018 წელს 57 მილიონამდე ლარს დახარჯავს.

საგზაო ინფრასტრუქტურის განვითარებისა და გამტარიანობის გაზდისთვის მნიშვნელოვანია ხელოვნური ნაგებობების და მათ შორის, ხიდების მშენებლობა-რეაბილიტირება.

წელს აჭარაში თვრამეტი ახალი და სამი არსებული ხიდის რეაბილიტაციაა დაგეგმილი. პროექტების ნაწილი უკვე დასრულებულია და დარჩენილიც გეგმის მიხედვით განხორციელდება.

ხიდი კლდისუბანსა და ბესელაშვილებში

დასრულებული ხიდი კლდისუბანსა და ბესელაშვილებში

ქობულეთის მუნიციპალიტეტში, ჭახათი-ტყემაკარავის საავტომობილო გზის მონაკვეთზე ახალი ლითონის ხიდის მშენებლობა დასრულდა. ხიდის სიგრძე 18 მეტრია, ხოლო სიგანე – 4 მეტრი.

პროექტზე მიმდინარე სამუშაოები მოინახულეს აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტის უფროსმა არჩილ ჩიქოვანმა და მოადგილემ, რაულ ბერიძემ, ტურიზმის დეპარტამენტის თავმჯდომარესთან სულხან ღლონტთან, ქობულეთის მუნიციპალიტეტის მერთან, მირიან ქათამაძესთან და კულტურული მემკვიდრეობის სააგენტოს ხელმძღვანელთან, მირზა ცეცხლაძესთან ერთად.

პროექტის სახელშეკრულებო ღირებულება 241 500 ლარს შეადგენდა.

ჭახათი-ტყემაკარავის საავტომობილო გზის მონაკვეთზე ახალი ლითონის ხიდის მშენებლობა დასრულდა

ჭახათი-ტყემაკარავის საავტომობილო გზის მონაკვეთზე ახალი აშენებული ლითონის ხიდი

არჩილ ჩიქოვანის განცხადებით, გარდა იმისა, რომ ახალი ხიდის მშენებლობა ადგილობრივი მოსახლეობისათვის სასიცოცხლოდ მნიშვნელოვანია, ასევე, პროექტი მიმდებარედ არსებულ კულტურული მემკვიდრეობის ძეგლის – თაღოვანი ხიდის გადარჩენას და მხოლოდ ტურისტული მიზნებისთვის გამოყენებას შეუწყობს ხელს.

სამშენებლო სამუშაოები სახელშეკრულებო ვადაზე ადრე დასრულდა.

ხელვაჩაურის მუნიციპალიტეტში საყოფაცხოვრებო მანქანების ქარხანა-ჩელტას საავტომობილო გზის მონაკვეთზე, სადაც 2,5 კმ-ზე მეტი ახალი ასფალტობეტონის გზა დაიგო და მოცემული პროექტის ფარგლებში აშენდა ახალი ხიდი.

ქარხანა-ჩელტას საავტომობილო გზის მონაკვეთზე, სადაც 2,5 კმ-ზე მეტი ახალი ასფალტობეტონის გზა დაიგო და მოცემული პროექტის ფარგლებში აშენდა ახალი ხიდი.

ახალი ხიდი ქარხანა-ჩელტას საავტომობილო გზის მონაკვეთზე.

მიმდინარე წლის თებერვალში დასრულდა თანამედროვე სტანდარტების ახალი ხიდის მშენებლობა სოფლებში – კლდისუბანსა და ბესელაშვილებში. პროექტი აჭარის მთავრობის მუნიციპალიტეტებში განსახორციელებელი პროექტების ფონდიდან დაფინანსდა და  სამუშაოებზე 390 000-მდე ლარი დაიხარჯა.

სულ დაგეგმილია თვრამეტი ახალი ხიდის აშენება და სამი არსებულის ხიდის  რეაბილიტაცია. ჯამში გამოყოფილია 1 770 472 ლარი.

ნეტგაზეთის მასალების სხვა გამოცემებში გადაბეჭდვის წესი


ავტორი