დღეს ქედის მერმა, ლევან გორგილაძემ, თურქეთის გენერალურ კონსულს ქალაქ ბათუმში – მაქბულე ქოჩაკს ოფიციალურად უმასპინძლა.
გაცნობითი ხასიათის შეხვედრა კონსულის ინიციატივით გაიმართა. შეხვედრას ქედის საკრებულოს თავმჯდომარე, შუქრი თურმანიძე ესწრებოდა.
ოფიციალური სტუმარი მუნიციპალიტეტის პირველ პირებთან ერთად ჯერ ახალგაზრდების მიერ ქედის ცენტრში ორგანიზებულ, საქართველოს დამოუკიდებლობის 100 წლისთავისადმი მიძღვნილ ფლეშმობს – სახელწოდებით ,,ხორუმს” დაესწრო, რომლის შემდგომ შეხვედრა მერის სამუშაო ოთახში გაგრძელდა.
შეხვედრის დასასრულს მხარეებმა სიმბოლური საჩუქრები გაცვალეს და სამომავლო თანამშრომლობაზე შეთანხმდნენ.