ჯინჭარაძეზე დანგრეული სახლის ასაშენებლად მერია ელექტრონულ აუქციონს განმეორებით აცხადებს

ბათუმის მერიამ განმეორებით ელექტრონული აუქციონი გამოაცხადა ახვლედიანის (ყოფილი ჯინჭარაძის) ქუჩის #12-ში ბუნებრივი აირის აფეთქების შედეგად დანგრეული სახლის მესაკუთრე ცხრა ოჯახისთვის საცხოვრებელი სახლის უსასყიდლოდ ასაშენებლად. აუქციონი ამჯერად 20-პროცენტიანი ფასდაკლებით მიმდინარეობს, საწყისი ფასი 837 600 ლარია.

აუქციონში გამარჯვებულმა ხელშეკრულების გაფორმებიდან 18 თვეში სამსართულიანი სახლი უნდა ააშენოს, მანსარდითა და 10 საცხოვრებელი ბინით, ჯინჭარაძის 12 ნომერში. ბინები კეთილმოწყობილი უნდა იყოს, შეღებილი კედლებით, ლამინირებული იატაკით და ა.შ., ავეჯის გარეშე.

სანაცვლოდ კომპანიას საკუთრებაში გადაეცემა ბაგრატიონის ქ. N127-ში მდებარე 5429,0 კვ.მ. არასასოფლო-სამეურნეო დანიშნულების მიწის ნაკვეთი. შემსყიდველმა ამ ნაკვეთზე უნდა ააშენოს  მრავალფუნქციური დანიშნულების, თანამედროვე არქიტექტურული იერსახის მქონე შენობა-ნაგებობ(ებ)ი, არანაკლებ ექვსი სართულისა.

__________

მთავარი ფოტო: ხანძარი ჯინჭარაძის ქუჩაზე. ფოტო „ბათუმელების“ არქივიდან 

 

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com