მთავარი,სიახლეები

ჯგუფი Rolling Stones-ი 2018 წლის ევროპულ ტურნეს იწყებს

18.05.2018 • 3113
ჯგუფი Rolling Stones-ი 2018 წლის ევროპულ ტურნეს იწყებს

ბრიტანული როკჯგუფი Rolling Stones-ი 2018 წლის ევროპულ ტურნეს იწყებს და მსმენელებისთვის ისინი მშობლიურ დიდ ბრიტანეთში, ირლანდიაში, გერმანიაში, ჩეხეთში, პოლონეთსა და საფრანგეთში დაუკრავენ. სეტლისტში ჯგუფის თითქმის 60-წლიანი არსებობის განმავლობაში შექმნილი ჰიტებია შესული. Rolling Stones-ს  30 სტუდიური და 20 საკონცერტო ალბომი, ასევე უამრავი სინგლი აქვს ჩაწერილი.

ჯგუფის ევროპული ტურნე სლოგანით: „No Filter“ შარშანაც გაიმართა. Rolling Stones-ის წევრები: მიკ ჯაგერი, კიტ რიჩარდსი, ჩარლი უოტსი და რონი ვუდი ამ ასაკშიც კი შეუდარებელ ფორმაში არიან და ათასობით ფანისთვის ისევ ისეთ ენერგიულ კონცერტებს მართავენ, როგორც 60-70-იან წლებში.

2018 წლის ტურნეს შესახებ ინფორმაცია Rolling Stones – მა ოფიციალურად თებერვალში გაავრცელა. პირველ კონცერტს ჯგუფი 22 მაისს, ლონდონში გამართავს.

ვოკალისტი მიკ ჯაგერი და გიტარისტი კიტ რიჩარდსი 75 წლისანი არიან, ბასისტი რონი ვუდი – 71-ის, ბრიტანული როკჯგუფის ყველაზე ასაკოვანი წევრი კი, დრამერი ჩარლზ უოტსი – 77 წლისაა.

როკჯგუფის ევროპული ტურნე 8 ივლისს, ვარშავაში დასრულდება.

 

Rolling Stones-ის ევროპული ტურნეს განრიგი ასეთია:

22 – 25 მაისი – ლონდონი (დიდი ბრიტანეთი);

29 მაისი – საუტჰემპტონი (დიდი ბრიტანეთი);

2 ივნისი – ქოვენთრი (დიდი ბრიტანეთი);

5 ივნისი – მანჩესტერი (დიდი ბრიტანეთი);

9 ივნისი – ედინბურგი (დიდი ბრიტანეთი);

15 ივნისი – კარდიფი (დიდი ბრიტანეთი);

19 ივნისი – ლონდონი (დიდი ბრიტანეთი);

22 ივნისი – ბერლინი (გერმანია);

26 ივნისი – მარსელი (საფრანგეთი);

30 ივნისი – შტუდგარდი (გერმანია);

4 ივლისი – პრაღა (ჩეხეთი);

8 ივლისი – ვარშავა (პოლონეთი);

ბილეთების შესაძენად გადადით ლინკზე

გადაბეჭდვის წესი


ასევე: