10 ფილმი LGBTQ თემაზე

ეს სია ლონდონის LGBTQ კინოფესტივალის ფარგლებშია მომზადებული. ყველა დროის 30 საუკეთესო LGBTQ ფილმის შერჩევაში კინოხელოვნებასთან დაკავშირებული 100-მდე ადამიანი მონაწილეობდა, მათ შორის იყვენენ რეჟისორები და სცენარისტები. „ბათუმელები“ 30-დან პირველ ათ ფილმს გთავაზობთ.

ქეროლი – CAROL

რეჟისორ ტოდ ჰეინსის ფილმში მოქმედება გასული საუკუნის 50-იანი წლების ნიუ იორკში ხდება. ფილმი ორი ქალის ურთიერთობის შესახებ გვიყვება, ერთი მათგანი მაღაზიის გამყიდველია, მეორე – უსიყვარულოდაა დაქორწინებული. ფილმში მთავარ როლებს ქეით ბლანშეტი და რუნი მარა ასრულებენ.

ფილმი 2015 წელს გამოვიდა ეკრანზე და imdb-ის მონაცემებით, ორი წლის განმავლობაში სხვადასხვა კინოფესტივალზე 244 ნომინაციაზე იყო წარდგენილი, მათგან 74 ნომინაციაში კი გაიმარჯვა.

დასვენების დღეები – WEEKEND

ბრიტანელი რეჟისორის, ენდრიუ ჰეის 2011 წელს გადაღებული ფილმი ორი მამაკაცის შესახებაა, რომლებიც მოკლე ხნით ხვდებიან ერთმანეთს. ფილმს არაერთი ჯილდო აქვს მიღებული.

 

ბედნიერები ერთად – Happy Together

ჩინელმა რეჟისორმა, ვონგ კარ-ვაიმ ამ ფილმისთვის 1997 წელს კანის კინოფესტივალის პრიზი მიიღო, როგორც საუკეთესო რეჟისორმა.

 

 

კუზიანი მთა – Brokeback Mountain

ფილმი ორი შეყვარებული კოვბოის და მათი ურთიერთობების შესახებ. ენგ ლის ამ ფილმს ჯამში 141 პრიზი აქვს მიღებული, მათ შორის: სამი „ოსკარი“, „ოქროს გლობუსი“ – ოთხ ნომინაციაში, „ბაფტა“ – სამ ნომინაციაში და ა.შ. ფილმში ჰიტ ლეჯერი და ჯეიკ ჯილენჰალი ასრულებენ მთავარ როლებს.

 

პარიზი იწვის – PARIS IS BURNING

დოკუმენტური ფილმი ნიუ იორკში მცხოვრები შავკანიანების, ლათინოამერიკელი ტრანსვესტიტებისა და ტრანსექსუალების ცხოვრების შესახებ.  1990 წელს გადაღებული ეს სურათი ბერლინის კინოფესტივალის გამარჯვებულია.

 

ტროპიკული დაავადება – Tropical Malady

მელოდრამისა და ფენტეზის ჟანრის ეს ფილმი ტაილანდური ფოლკორის მოტივებზეა გადაღებული. 2004 წელს ფილმმა კანის კინოფესტივალის ჟიურის პრიზი მიიღო.

 

ჩემი მშვენიერი სამრეცხაო – MY BEAUTIFUL LAUNDRETTE 

პაკისტანელი ომარი ლოთ მამასთან ერთად ცხოვრობს ლონდონში და მეგობართან ერთად გადაწყვეტს სამრეცხაო გახსნას. ბრიტანელი რეჟისორის, სტივენ ფრირსის ეს დრამა 1985 წელსაა გადაღებული.

 

ყველაფერი დედაჩემის შესახებ – All about My Mother 

ერთადერთი შვილის დაღუპვის შემდეგ მარტოხელა დედა ბარსელონაში მიემგზავრება შვილის მამის მოსაძებნად. ესპანელი რეჟისორის, პედრო ალმადოვარის 1999 წელს გადაღებული ფილმი „ოსკარის“, სამი „ბაფტას“ და სხვადასხვა კინოფესტივალის გამარჯვებულია.

 

სიყვარულის სიმღერა – Un chant d’amour

ფრანგი მწერლის, ჟან ჟენეს ფილმი, რომელიც 1950 წელსაა გადაღებული.

 

ჩემი საკუთარი შტატი აიდაჰო – MY OWN PRIVATE IDAHO

რეჟისორ გას ვან სენტის ფილმი მთავარ როლებში კიანუ რივზითა და რივერ ფენიქსით. ფილმის მთავარი გმირებიდან ერთ-ერთი მდიდარი მემკვიდრეა, მეორე კი მაწანწალა, რომელიც თავს პროსტიტუციით ირჩენს.

 

_________________________

წყარო: bfi.org.uk 

მთავარ ფოტოზე: კადრი ფილმიდან „ქეროლი“

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com