ეტლით მოსარგებლისთვის გაუვალი ტროტუარი ბათუმში

ბათუმში, გორგასლის ქუჩაზე მდებარე ბარ „ფლორიდას“ კონსტრუქცია  ისე აქვს მიშენებული, რომ ფეხით მოსიარულე იძულებულია ან ველობილიკზე გადავიდეს, ან მიშენებულ კონსტრუქციაზე ააბიჯოს. მიშენება განსაკუთრებით ართულებს ამ ადგილზე  ეტლით გავლას.

მერიის ინფორმაციით, ეს კონკრეტული ობიექტი აღრიცხულია მერიის შესაბამისი სამსახურის მიერ, მისამართზე რამდენჯერმე იყო გასული ზედამხედველობის სამსახური, მაგრამ ობიექტი დაკეტილია და მფლობელის იდენტიფიცირება ვერ მოხერხდა. როგორც მერიაში ამბობენ, შესაბამისი ოქმი დაიწერება მას შემდეგ, როცა მოხერხდება მეპატრონესთან დაკავშირება.

ბათუმის მერიის ინფორმაციით, საზოგადოებრივი ადგილებით სარგებლობის თვითნებურ შეზღუდვასა და მსუბუქი კონსტრუქციის თვითნებურ მონტაჟზე (ადმინისტრაციულ სამართალდარღვევათა კოდექსი – მუხლი 150¹; მუხლი 152²) ამ დროისთვის დაწერილია 27 ოქმი. მათივე ცნობით, ქალაქში არსებული ყველა კვების ობიექტი გაფრთხილებულია, რომ კანონმდებლობასთან შესაბამისობაში მოიყვანონ ობიექტების იერსახე და მიმდებარე ტერიტორია.


ამავე თემაზე:

კაფეს მიერ სრულად ათვისებული ტროტუარი – როგორ გავიაროთ ფეხით და ეტლით

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან