სოკარ ჯორჯია გაზი: აჭარაში მოსახლეობისთვის გაზის მიწოდების შეწყვეტა არ იგეგმება

„სოკარ ჯორჯია გაზის“ ინფორმაციით აჭარაში, მათ შორის ბათუმში, საყოფაცხოვრებო აბონენტებს გაზის მიწოდება არ შეუწყდება.

„იმისთვის, რომ მოსახლეობის გაზით მომარაგება არ შეფერხებულიყო, დღეს, 17 მაისის დილის 4 საათიდან გაზმომარაგება შეუწყდა აჭარაში ყველა მსხვილ გადამხდელს. მიზეზი ტექნიკური სამუშაოებია, რის გამოც ამ დროისთვის აჭარას ბუნებრივი აირი შეზღუდვით მიეწოდება. კომერციულ ობიექტებს გაზმომარაგება დღეს, დღის ბოლომდე აღუდგებათ,“ – გვითხრეს კომპანიაში.

„მობილიზებული ვართ, რომ მოსახლეობისთვის შევინარჩუნოთ გაზის მიწოდება, იმიტომ, რომ შემდეგ ჩართვის პროცესი არის რთული. მაგრამ თუ გაზი არ ეყო მოსახლეობას, მაშინ შეუწყდებათ მიწოდება და 17 მაისის 2 საათიდან დავიწყებთ აღდგენის პროცესს, რომელიც 19 მაისის დღის ბოლოს დასრულდება. ეს ყველაზე ცუდ ვარიანტში. კონკრეტული დეტალები ხვალ, 17 მაისს დილით გვეცოდინება,“ – განაცხადეს გუშინ, 16 მაისს, „სოკარ ჯორჯია გაზის“ აჭარის რეგიონალურ ოფისში.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com