ბათუმში ქუჩების გადათხრაზე ნებართვები 2 ოქტომბრამდე აღარ გაიცემა

ბათუმის მერიის ინფორმაციით, ტურისტულ სეზონთან დაკავშირებით, ქალაქში მიწისქვეშა კომუნიკაციების მოწყობის მიზნით ქუჩების გადათხრაზე ნებართვები აღარ გაიცემა 2018 წლის 25 მაისიდან პირველი ოქტომბრის ჩათვლით პერიოდში. თუმცა, ეს არ ეხება ბათუმში მიმდინარე ინფრასტრუქტურულ პროექტებს.

ბათუმის მერიის ინფორმაციით, „ინფრასტრუქტურული პროექტები ზაფხულის პერიოდშიც შეუფერხებლად გაგრძელდება. ბათუმის მერია ბოდიშს უხდის მოსახლეობას სარეაბილიტაციო სამუშაოებით გამოწვეული დისკომფორტის გამო“.

ტურისტული სეზონის გახსნასთან დაკავშირებულ საკითხებზე მერიაში დღეს, 15 მაისს, ქალაქის მერმა და მერიის სტრუქტურული ერთეულებისა და ორგანიზაციების ხელმძღვანელებმა შეხვედრა გამართეს.

მთავარი ფოტო: გადათხრილი ტროტუარი თავდადებულის ქუჩაზე / „ბათუმელების“ არქივიდან / ფოტო: ლელა დუმბაძე
ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com