ზღვის სეზონზე სასწრაფოს სამედიცინო ბრიგადები და მოძრავი ამბულატორია დაემატება

სასწრაფო სამედიცინო დახმარების ცენტრს ბათუმში, 20 ივნისიდან 20 სექტემბრის ჩათვლით პერიოდში, სამი სამედიცინო ბრიგადა დაემატება. ბათუმის მერიის ინფორმაციით, ბრიგადები 24-საათიან რეჟიმში იმუშავებენ. ამასთან, თითო ბრიგადა ყოველდღიურად, დილის 10 საათიდან საღამოს 10 საათამდე, განთავსდება დემეტრე თავდადებულის ქუჩის დასაწყისში [ბულვარის ტერიტორიაზე] და გონიო-კვარიათში.

დემეტრე თავდადებულის ქუჩის დასაწყისში განთავსდება ასევე მოძრავი ამბულატორიაც, სადაც  10:00 საათიდან 22:00 საათამდე, ადგილზე  გაუწევენ პაციენტებს პირველად სამედიცინო მომსახურებას.

ცენტრის ბრიგადები განთავსებულნი არიან შემდეგ ადგილებში:

  • 9 ერთეული – პუშკინის ქ. #154
  • 3 ერთეული – ფრიდონ ხალვაშის ჩიხი #7
  • 1 ერთეული – ბენზეს დასახლება
  • 1 ერთეული – დაბა მახინჯაური
  • 1 ერთეული – გონიო-კვარიათის ტერიტორია
  • 1 ერთეული – ბათუმის ბულვარის ტერიტორია.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com