კვარიათის სანაპირო მერიას იჯარით არ გაუცია, კონსტრუქციებს კი მაინც ამონტაჟებენ

კვარიათში, ბათუმის მუნიციპალიტეტის საკუთრებაში არსებულ პლაჟებზე, რომლებიც ქალაქის მერიამ აუქციონის წესით, კონკურენციის პირობებში უნდა გასცეს იჯარით, გარკვეული კონსტრუქციების მოწყობა უკვე დაწყებულია. ვინაიდან ეს ადგილები აუქციონზე ჯერ გატანილი არ არის, კანონით ის თავისუფალი უნდა იყოს ნებისმიერი ნაგებობისგან, რაზეც პასუხისმგებელი ქალაქის მერიაა.

რამდენად კანონიერია დღეს არსებული კონსტრუქციები და მიმდინარე სხვადასხვა სახის სამუშაოები კვარიათის პლაჟზე? – ამ კითხვაზე ბათუმის მერიისგან პასუხს რამდენიმე დღეა ვერ ვიღებთ. მერია უპასუხოდ ტოვებს ასევე კითხვას – რა ბედი ეწევა იმ კონსტრუქციებს, რომლებიც უკვე განთავსებულია პლაჟზე. ქალაქის მერიაში ჯერჯერობით მხოლოდ ის გვითხრეს, რომ მუშაობენ აუქციონების გამოცხადებაზე.

მერიაში ვერ ასახელებენ დროს, დაახლოებით როდის გამოცხადდება აუქციონები მიწის ნაკვეთების იჯარით გადაცემაზე – მსუბუქი კონსტრუქციის შენობა-ნაგებობებისგართობისა თუ კვების ობიექტის განთავსებისთვის. 

ბათუმის მერი, ლაშა კომახიძე, ტურისტული სეზონის მოახლოებასთან დაკავშირებით მერიის სამსახურების ხელმძღვანელებს შეხვდა. მერიისგან ვერც იმაზე მივიღეთ პასუხი, შეხვედრაზე იყო თუ არა საუბარი გონიო-კვარიათის პლაჟებთან დაკავშირებით.

კვარიათში მცხოვრები მოსახლეობა ასევე ამბობს, რომ მოუწესრიგებელია სანაპირო ზოლი, ხოლო პლაჟზე გასასვლელი გზები დაზიანებულია.

ბათუმის მერიისგან ვერ მივიღეთ პასუხი კითხვაზე – კანონიერია თუ არა ეს ნაგებობები კვარიათის პლაჟთან

კვარიათის სანაპიროს ფოტოები, რომლებიც „ბათუმელებს“ მოაწოდეს

კვარიათი

ამავე თემაზე:

მერია: თუ მოქალაქე კვარიათის პლაჟზე დაყრილ მიწას არ გაიტანს, სასამართლოს მივმართავთ

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com