ქობულეთის სოფელ ხუცუბანში ნარკოდანაშაულისთვის ერთი პირი დააკავეს

ქობულეთის მუნიციპალიტეტის სოფელ ხუცუბანში ნარკოდანაშაულისთვის 12 მაისს ერთი პირი დააკავეს, რომელსაც ნარკოტიკული საშუალების უკანონო შეძენა-შენახვა ედება ბრალად. შინაგან საქმეთა სამინისტროს ინფორმაციით, ამავე ფაქტთან დაკავშირებით პოლიციამ ასევე ორი პირი გამოკითხა.

უწყების ინფორმაციით, ფაქტზე მიმდინარეობს გამოძიება სისხლის სამართლის კოდექსის 260-ე მუხლის პირველი ნაწილით.

„შინაგან საქმეთა სამინისტრომ მიმდინარე წლის 1-ლი იანვრიდან 10 მაისამდე, მთელი ქვეყნის მასშტაბით, სხვადასხვა დროს ჩატარებული ოპერატიულ-საგამოძიებო ღონისძიებების შედეგად, უკანონო ბრუნვიდან ამოიღო განსაკუთრებით დიდი ოდენობით სხვადასხვა სახის ნარკოტიკული საშუალება: 9 კილოგრამამდე ჰეროინი, 1 კილოგრამი და 200 გრამი კოკაინი, 500 გრამი ახალი ფსიქოაქტიური და ფსიქოტროპული ნივთიერება, მათ შორის, ბუპრენორფინის შემცველი 5 000 აბი, ასევე, 1 კილოგრამი და 700 გრამი სინთეტიკური ნარკოტიკული საშუალება „მდმა“ და 850 გრამი სხვადასხვა სახის ფსიქოტროპული ნივთიერება,“ – განაცხადა შსს-მ.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com