ბათუმში ერთმანეთს სამარშრუტო ტაქსი და ორი ავტომობილი შეეჯახა – დაშავებულია ექვსი ადამიანი

ბათუმში, თამარის დასახლებაში, ავტოავარია მოხდა. ერთმანეთს სამარშრუტო ტაქსი და ორი მსუბუქი ავტომანქანა შეეჯახა. სასწრაფო სამედიცინო სამსახურმა ადგილიდან ექვსი დაშავებული პირი გადაიყვანა. სასწრაფო დახმარების სამსახურის თქმით, დაშავებულებს მსუბუქი დაზიანებები აღენიშნებათ.

შს სამინისტროს ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.