ხვალ, 11 მაისს, ბათუმში ტურიზმისა და სასტუმრო აღჭურვილობის მე-11 საერთაშორისო გამოფენა-გაყიდვა EXPO BATUMI TRAVEL 2018 გაიხსნება.
EXPO BATUMI TRAVEL 2018-ში მონაწილეობას ადგილობრივი და უცხოური კომპანიები მიიღებენ, რომლებიც სასტუმრო აღჭურვილობის, დეკორაციების, რესტორნებისა და ტურიზმის სფეროში მუშაობენ.
გამოფენაში მონაწილეობენ კომპანიები შემდეგი ქვეყნებიდან: თურქეთი, აზერბაიჯანი, რუსეთი, უკრაინა, სომხეთი, ლიტვა, პოლონეთი, ბელორუსი და გერმანია. გამოფენის მიმდინარეობისას მონაწილეებისათვის იგეგმება სარეკლამო, საინფორმაციო ტურები და პრეზენტაციები.
გამოფენა სასტუმრო „შერატონში“ 12:00 საათზე გაიხსნება. მასზე მისვლა მსურველებს 13 მაისის ჩათვლით შეეძლებათ. დასწრება თავისუფალია.
